ГАНДАХ I  

1. Зуны цагт хур ховор орж, ургамал хатах, ургамлын өнгө шарлаж хувирах: өвс ногоо гандах (өвс ногоо дэлгэрэнгүй...хатах) - Бэлчээр дэх өвс ногоо харилцан адилгүй хугацаанд гандаж хатдаг. Ж.Самбуу. Мал маллагааны арга туршлага., гандах цагт орсон бороо, гачигдах цагт тусласан нөхөр [зүйр цэцэн үг] (ядарч зүдрэх үед тус нэмэр болсон зүйлийг зүйрлэсэн хэллэг);

---

2. Намаршиж ургамлын өнгө шарлаж хувирах: өвс гандах (өвсний өнгө шарлаж, хувирах);

---

3. Юмны өнгө нар салхинд хувирч онгох, өгөрших: дээл гандах (дээлийн өнгө онгож цайх) дэлгэрэнгүй...- Доохүүгийн өмссөн комбинзон нь гандаж говийн хужирт тойром шиг болжээ. Л.Түдэв. Нүүдэл., гандах гундах [хоршоо] (а. Юмны өнгө цайж, хэлбэр дүрсээ алдах; б. [шилжсэн] Хүн, амьтны цог жавхаа буурч, уруудаж доройтох - Гандаж гундаж явахын цагт гараа сунгасан ачтан билээ та. “Цог” сэтгүүл);

---

4. [шилжсэн] Хүний явдал бүтэлгүйтэн гутах.

---

• өвс ногоо гандах - өвс ногоо хатах
• гандах цагт орсон бороо, гачигдах цагт тусласан нөхөр - ядарч зүдрэх үед тус нэмэр болсон зүйлийг зүйрлэсэн хэллэг
• өвс гандах - өвсний өнгө шарлаж, хувирах
• дээл гандах - дээлийн өнгө онгож цайх
• гандах гундах - а. Юмны өнгө цайж, хэлбэр дүрсээ алдах; б. [шилжсэн] Хүн, амьтны цог жавхаа буурч, уруудаж доройтох - Гандаж гундаж явахын цагт гараа сунгасан ачтан билээ та. “Цог” сэтгүүл

---

Ижил үг

ГАНДАХ II

Холбогдох зураг одоогоор алга байна.