Зээрдээс нэлээн харавтар, дэл сүүл нь бараан адууны зүсэм: дотроо ялгал олон - дэлгэрэнгүй...Дэжид гуай Долгорыг тэврэн авч удаан гэгч нь үнсээд -Миний хүү хээр морио унаад яв гээд салбан ханцуйгаараа нулимсаа нухацтай сайн арчив. Ч.Лодойдамба. Тунгалаг Тамир., хээр алаг (хээр дээр цагаан өнгө холилдсон адууны зүсэм), хээр үрээ (дэл сүүл нь бараан, зээрдээс харавтар, гурваас таван настай агтлаагүй адуу) - Дангаагийн хайртай ганц номхон хээр үрээг нь барьцад өргөсөн тухай түүнд хэлжээ. Ц.Уламбаяр. Зовлон жаргал., хээр халтар (хээр адууны хацар, хамар нь цайвардуу зүсэм), бор хээр (бор өнгө нь давамгайлсан бүдэгхэн шаравтар зүсэм), улаан хээр (улаан хүрэн өнгө давамгайлсан бүдэгхэн шаравтар зүсэм), хар хээр (хар өнгө давамгайлсан бүдэгхэн шаравтар зүсэм), шар хээр (шар өнгө давамгайлсан шаравтар зүсэм), эх нь хээр алаг бол, хүү нь шийр алаг [зүйр цэцэн үг] (эх эцэг нь ямар бол үр хүүхэд нь мөн тийм гэсэн санаа).
- хээр алаг - хээр дээр цагаан өнгө холилдсон адууны зүсэм
- хээр үрээ - дэл сүүл нь бараан, зээрдээс харавтар, гурваас таван настай агтлаагүй адуу
- хээр халтар - хээр адууны хацар, хамар нь цайвардуу зүсэм
- бор хээр - бор өнгө нь давамгайлсан бүдэгхэн шаравтар зүсэм
- улаан хээр - улаан хүрэн өнгө давамгайлсан бүдэгхэн шаравтар зүсэм
- хар хээр - хар өнгө давамгайлсан бүдэгхэн шаравтар зүсэм
- шар хээр - шар өнгө давамгайлсан шаравтар зүсэм
- эх нь хээр алаг бол хүү нь шийр алаг - хүү нь удам угсаагаа дууриадаг гэсэн санаа
Ижил үг
