ХУУРМАГ  

1. Үнэн биш, өнгөцхөн, худал: хуурмаг зантай хүн (худал зантай хүн) -дэлгэрэнгүй... Хуурмаг зантай хүнд хань нөхөр тогтохгүй. Ж.Дашдорж. Монгол цэцэн үгийн далай., хуурмаг сүр үзүүлэх (худал сүр гаргах), хуурмаг үзэгдэл (хэрэг явдлын мөн чанартай нийцэхгүй үзэгдэл), хуурмагаар инээх (худал инээх), худал хуурмаг [хоршоо] (үнэн биш, бодит байдалд нийцэхгүй) - Мунхаг би санаа зоригоор өөр худал хуурмагийг айлдаагүй шүү гэж хэлэв. Ж.Пүрэв. Гурван зангилаа., хуурмаг үг замхарч одох нь амархан, хуурамч сэтгэл хувирч одох нь амархан [зүйр цэцэн үг] (худал үг, хуурамч сэтгэл найдваргүй гэсэн санаа), хуурмаг орхоодой [ургамал] (махлаг үндэстэй, алаглаг нийлмэл навч нь ишийнхээ оройд ургадаг, шаравтар ногоон баг цэцэгтэй олон наст өвс: төмслөг үндэс нь эмд орно);

---

2. Юмны хоосон байдалтай харагдах дэлгэрэнгүй...- Хурын цагаан үүл, хурмастын цагаан үүл… хуурмаг өнгө гаргаж, гэгээн наранд гялалзан, хуурай янз гаргаж, уул мэтээр сүмбэрлэвч, хурамхан зуур хувилж, хурын ус болно. Ц.Дамдинсүрэн. Үүл.

---

• хуурмаг зантай хүн - худал зантай хүн
• хуурмаг сүр үзүүлэх - худал сүр гаргах
• хуурмаг үзэгдэл - хэрэг явдлын мөн чанартай нийцэхгүй үзэгдэл
• хуурмагаар инээх - худал инээх
• худал хуурмаг - үнэн биш, бодит байдалд нийцэхгүй
• хуурмаг үг замхарч одох нь амархан хуурамч сэтгэл хувирч одох нь амархан - худал үг, хуурамч сэтгэл найдваргүй гэсэн санаа
• хуурмаг орхоодой - махлаг үндэстэй, алаглаг нийлмэл навч нь ишийнхээ оройд ургадаг, шаравтар ногоон баг цэцэгтэй олон наст өвс төмслөг үндэс нь эмд орно

Холбогдох зураг одоогоор алга байна.