Дотор сэтгэлдээ агуулсан тэчьядах буюу занах сэтгэл: хорсол өвөрлөх (сэтгэл дотроо хорсол занал дэлгэрэнгүй...агуулах), хорсол төрөх (занах сэтгэл төрөх), хорсол хадгалах (өс санах, өс бодож явах), хорсол гомдол ~ гомдол хорсол [хоршоо] (хэн нэгний өөрт хийсэн муу зүйлийг санан, үзэн ядаж, гуньхран бодох нь) - Хорсол гомдол, уур омог, хүлцлээр дүүрэн байсан сэтгэл нь одоо хов хоосон болжээ. Д.Батбаяр. Цахилж яваа гөрөөс., хорсол хилэн [хоршоо] (тэчьяадан бодох бодол, уур бухимдал) - Галдан хутагтын хорсол хилэн бадарч сэтгэлээ засах сан гэв. Б.Догмид. Хөх тэнгэрийн зарлиг., хорсол занал [хоршоо] (хэн нэгэнд хорсон тэчьядан өш санах явдал, зэвүүцэл дургүйцэл, үзэн ядалт) - Төрөл төрснийг түмний өмнө өргөж, ураг садныг олны өмнө илгээвээс төрөл төрсөн ураг саданд хорсол занал үгүй болно. В.Инжаннаши. Хөх судар., хорсол зүхэл [хоршоо] (бусдад өш санасан сэтгэл, муу муухай үг), хорсол зэвүүцэл [хоршоо] (тэчьяадан бодох бодол, өширхөл), атаа хорсол [хоршоо] (а. Мөчөөрхөн хорсох сэтгэл; б. Бусдын энд хүрэхийг эрмэлзсэн омогшингуй сэтгэл), өшөө хорсол [хоршоо] (муу хэрэг хийсэн хүнээс хариу авах хүсэл), тэмцэл хорсол [хоршоо] (ямар нэг үйл хэргийн төлөө тэчьяадан тэмцэх нь), омог хорсол [хоршоо] (ихэд тэчьяадан шаралхах нь).