1. Догшны эсрэг утга, ааш авир дөлгөөн тогтуун, төлөв намжуу: номхон суух (хөдөлгөөнгүй, томоотой дэлгэрэнгүй...суух) - Полли эгчийгээ орж ирэхэд нэг ч үг дуугаралгүй номхон сууж... байлаа. Марк Твен. Том Сойерын адал явдал., номхон дөлгөөн [хоршоо] (ааш зан аядуу зөөлөн, тогтуун) - Ноолуур дэлтэй халиун, ногтын ая дагана, номхон дөлгөөн сэтгэлд уурын мунхаг харш, Арван гурван хүлгийн дуун., номой номхон [хоршоо] (даруу төлөв), номхон хүлцэнгүй [хоршоо] (төлөв даруу, хүлээцтэй), төв номхон [хоршоо] (дөлгөөн даруу), зэрэгц номхон! (жагсаалд, нийтэд хандаж хэлэх үг) - Залуу багш Хүрлээ сурагчдаа жагсааж “Номхон” команд өгөв. П.Хорлоо. Багш., номхон боловч нум сумтай [зүйр цэцэн үг] (харахад төв, шударга мэт боловч хорон муу санаатай гэсэн санаа), номыг нь сурахгүй ч, номхныг нь сур [зүйр цэцэн үг] (эрдэм номыг нь сураагүй ч г‎эсэн дөлгөөн тогтуун ааш авиртай бай гэсэн санаа), номхон бурхныг нохой долооно [зүйр цэцэн үг] (төлөв дарууг нь ашиглан дээрэлхэх гэсэн санаа), номхон ардыг дарлаж, ноёдын бөгсийг долоох [зүйр ц‎‎эцэн үг] (төлөв даруу хүнийг дээрэлхэн, ноёд дарга нарт долигонох гэсэн санаа);

---

2. Амьтныг эдэлгээнд сургаж элдэв зангүй болгосон нь: номхон морь (элдэв ааш авиргүй морь) - дэлгэрэнгүй...Үргэлж шахам унадаг номхон буурлынхаа чөдрийг аваад эргэтэл модны чөлөөнд нэгэн цагаан морь үзэгдэв. М.Дэмчигжав. Мэдээ хүргэгч Дампил., номхон моринд ногт олон [зүйр цэцэн үг] (дорой номой байвал дээрэлхэх хүн олон байх гэсэн санаа), номхон морины ногт, догшин морины чөдөр болох [зүйр цэцэн үг] (үг дуугүй, үнэнч шударгаар зарагдах гэсэн санаа).

---

• номхон суух - хөдөлгөөнгүй, томоотой суух
• номхон дөлгөөн - ааш зан аядуу зөөлөн, тогтуун
• номой номхон - даруу төлөв
• номхон хүлцэнгүй - төлөв даруу, хүлээцтэй
• төв номхон - дөлгөөн даруу
• зэрэгц номхон - жагсаалд, нийтэд хандаж хэлэх үг
• номхон боловч нум сумтай - харахад төв, шударга мэт боловч хорон муу санаатай гэсэн санаа
• номыг нь сурахгүй ч номхныг нь сур - эрдэм номыг нь сураагүй ч гэсэн дөлгөөн тогтуун ааш авиртай бай гэсэн санаа
• номхон бурхныг нохой долооно - төлөв дарууг нь ашиглан дээрэлхэх гэсэн санаа
• номхон ардыг дарлаж, ноёдын бөгсийг долоох - төлөв даруу хүнийг дээрэлхэн, ноёд дарга нарт долигонох гэсэн санаа
... үргэлжлүүлэн харах ...
номхон морь - элдэв ааш авиргүй морь
номхон моринд ногт олон - дорой номой байвал дээрэлхэх хүн олон байх гэсэн санаа
номхон морины ногт, догшин морины чөдөр болох - үг дуугүй, үнэнч шударгаар зарагдах гэсэн санаа

Холбогдох зураг одоогоор алга байна.