1. Аливаа асуудлыг шийдвэрлэхэд гэрч болох юм, үнэмлэх тэмдэг дэлгэрэнгүй...- Энэ бол соёлын хөгжлийн хэмжээг харуулж буй бас нэг баримт мөн. Р.Жагварал. Монгол хэлний хүндэтгэлийн үг., хэргийн баримт (гэмт хэргийн газар үлдсэн бодит ул мөр), эд мөрийн баримт (хэргийн газар үлдээсэн ул мөр, биет зүйл), баримт болох (нотолгоо болох), баримт материал [хоршоо] (гэрч, нотолгоо болох зүйл), тоо баримт [хоршоо] (баталгаа болох тоон үзүүлэлт);

---

2. Үнэмшүүлэх бичиг, албан газар зэргээс юм авах, гаргахад нотолгоо болсон албан ёсны бичиг: баримт авах (нотлох бичиг авах) дэлгэрэнгүй...- Төв орж нэгдлийн нярваас хоёр ч баримт авах гээд зай зав гарахгүй байгаа юмсан. Д.Цэдэв. Айргийн амт., баримт тулгах (үнэн худлыг баттай нотлох гэрч хүнтэй уулзах, бичиг баримтыг харгуулж үзэх), мөнгөний баримт (мөнгө авсан, өгсөн, зарсан зэргийг нотлох бичиг), баримт бичиг [хоршоо] (тодорхой мэдээллийг дамжуулах, хадгалах зорилгоор тусгайлан бүтээсэн бодит зүйл, бичиг) - Энэ мэт хуурамч баримт бичгийн зүйлийг үйлдэхэд ихээхэн хөлс авмуй. Ж.Боккаччо. Декамерон., баримт гэрч ~ гэрч баримт [хоршоо] (хэргийг нотлох зүйл, батлах бичиг), бичиг баримт (тухайн хүн, юмын мөн болохыг нотолсон мэдээлэл), хоосон баримт (1. Авах мөнгөний тоо тавиагүй баримт; 2. Мөнгө авах хүн уг баримт дээр өөрийн дураар мөнгөний тоо тавьж, бэлэн мөнгө авахыг зөвшөөрсөн баримт) - Олон улсын соёлын харилцааны түүхэнд маш чухал баримт гэрч болж өгөх зүйл юм шүү. Б.Ринчен. Марк Твений минь махыг нь идэж дээ.

---

• хэргийн баримт - гэмт хэргийн газар үлдсэн бодит ул мөр
• эд мөрийн баримт - хэргийн газар үлдээсэн ул мөр, биет зүйл
• баримт болох - нотолгоо болох
• баримт материал - гэрч, нотолгоо болох зүйл
• тоо баримт - баталгаа болох тоон үзүүлэлт
• баримт авах - нотлох бичиг авах
• баримт тулгах - үнэн худлыг баттай нотлох гэрч хүнтэй уулзах, бичиг баримтыг харгуулж үзэх
• мөнгөний баримт - мөнгө авсан, өгсөн, зарсан зэргийг нотлох бичиг
• баримт бичиг - тодорхой мэдээллийг дамжуулах, хадгалах зорилгоор тусгайлан бүтээсэн бодит зүйл, бичиг
• баримт гэрч~гэрч баримт - хэргийг нотлох зүйл, батлах бичиг

Холбогдох зураг одоогоор алга байна.