II  

Маш нарийн, үл үзэгдэм: өлөн шороо (өвс ургамалгүй газарт байх үхмэл нарийн шороо) -дэлгэрэнгүй... Бага залуу насаа хотын өлөн шороо, муруй тахир гудамжинд өнгөрөөсөн билээ. Н.Банзрагч. Зам., өлөн тоос (нарийн хумхийн тоос) - Гэр дүүрэн өлөн тоос бужигнуулж орхиод гарч одов. Д.Нацагдорж. Түүвэр зохиол., өлөн өргөс (маш нарийн, нүдэнд үл үзэгдэм жижиг өргөс), өлөн хир (хувцас хунарт суусан ялимгүй хир) - Өврөөсөө өлөн хир даасан цагаан цууямбуу алчуур гарган чамархайныхаа хөлсийг арчина. Ч.Лувсанжав. Дамдины бага хүү., өлөн хяруу (үдэш унаж, өглөө нар гармагц хатах шүүдрийн цан) - Өлөн хяруу бас л... өөрийн эрхгүй дарагдан байлаа. Ш.Цогт. Од., өлөн чийг (үдэш унаж өглөө нар гармагц хатдаг шүүдэр) - Өлөн чийгтэй багалуур тэмээний гэдэс дүүргэж үхүүлэх гэм гардаг. Ж.Самбуу. Мал маллагааны арга туршлага.

• өлөн шороо - өвс ургамалгүй газарт байх үхмэл нарийн шороо
• өлөн тоос - нарийн хумхийн тоос
• өлөн өргөс - маш нарийн, нүдэнд үл үзэгдэм жижиг өргөс
• өлөн хир - хувцас хунарт суусан ялимгүй хир
• өлөн хяруу - үдэш унаж, өглөө нар гармагц хатах шүүдрийн цан
• өлөн чийг - үдэш унаж өглөө нар гармагц хатдаг шүүдэр