1. Дээд гэдэг үгийн эсрэг утга: модны доод үзүүр (модны үндэс ёзоор), дэлгэрэнгүй...хамгийн доод тавиур (газар талаасаа эхний тавиур), доод эрүү (гавлын ястай углуургаар холбогдсон эрүү), доод бие (бүсэлхийнээс дорогших бие) - Арьяабалын сүм гэж нэрлэсэн гурван давхар дээвэрт тэрхүү сүмийн оройг алт өргөсөн найман жанцан, гол дунд ганжрын хамтаар чимж нарийн хөх туйпуу зангидан доод хоёр давхрыг босгоод дээд гурван давхарлаг асрыг модоор хийжээ. Л.Түдэв. Алтан гадас чигийг заана;

---

2. Дараалсан юмны адаг сүүл: доод дэвтэр (сүүлчийн дэвтэр), доод тал (доорх);

---

3. Бага: дээд доод [хоршоо] (их бага) дэлгэрэнгүй...- Өнгөрсөн жилүүдэд таван яам, дээд доод хоёр хурал миний төрийн ажил үйлсийг бүтээхэд их тус болж дээ. Л.Түдэв. Алтан гадас чигийг заана;

---

4. Эрхэм биш, молхи - Та бүхэн доод надтай зоог барина уу? С.Лочин. Газрын дуун;

---

5. Шаталсан зэрэг дэвийн эхэн, анхан үе: хөгжлийн доод шат (дэвшил хөгжлийн эхний үе шат).

---

• модны доод үзүүр - модны үндэс ёзоор
• хамгийн доод тавиур - газар талаасаа эхний тавиур
• доод эрүү - гавлын ястай углуургаар холбогдсон эрүү
• доод бие - бүсэлхийнээс дооших хэсэг
• доод дэвтэр - сүүлчийн дэвтэр
• доод тал - доорх
• дээд доод - их бага
• хөгжлийн доод шат - дэвшил хөгжлийн эхний үе шат

Холбогдох зураг одоогоор алга байна.