Адил утгатай үг | Галшарын хийд |
Хамаа бүхий үг | Сэцэн хан аймаг |
Төрөл | Шашин |
Цаг үе | XIX-ХХ зуун |
Хэний хаанчлалын үед | Төр Гэрэлт |
Сүмийн онцлог | Олонд Галшарын хийд хэмээн нэрлэгджээ |
Байгуулагдсан он | 1843 он |
Үйл ажиллагаа нь зогссон | 1938 он |
Хаана байсан | Хэнтий аймгийн Галшар сум |
Сүмийг байгуулсан хүн | Бишрэлт ван |
Сэцэн хан аймгийн Бишрэлт вангийн хошуу одоогийн Хэнтий аймгийн Галшар сумын нутаг Өгөөмөр уулын өвөрт оршино. Олонд Галшарын хийд хэмээн нэрлэгджээ.
Анх Манжийн хаан Төр Гэрэлтийн хорин тавдугаар /1843/ онд Цогчин, Хайлан хурал мөн зургаадугаар /1846/ онд Цанид хурал сургууль, бас мөнх нүннээ хурал, Түгээмэл Элбэгтийн есдүгээр /1859/ онд Жүд хурал сургууль, мөн аравдугаар /1860/ онд мамба хурал сургууль,Бадаргуулт төрийн тэргүүн /1875/ онд Ламрим Зурхайн хурал сургууль тус тус байгуулав. Бэйс Минжүүрдоржийн үед эдгээр хурал дацангууд үүсчээ. Бадаргуулт төрийн гучин нэгдүгээр /1905/ онд Гүнрэг хурлыг Хардал жанжин бэйс Пүрэвжавын үед байгуулсан нь цөм харьяатхошууны нутгийн гол хийд дуган хурал болно. Тус хийдэд цорж хувилгаан Дарамсэд, Жамъяанданзанжамц, Нямсүрэнжав нарын хувилгаад сууж байжээ. Тус хийд нь Хардал жанжин бэйс Пүрэвжавын үед нийт мал нь 5544 /Хонь 4932, үхэр 387, адуу 159, тэмээ 66/ байсан нь 1918 онд 22096 /адуу 1375/, тэмээ247, үхэр 1445, хонь, ямаа 19029 болж 4 дахин өсчээ. Бишрэлт вангийн хийдийг 1938 онд устгаж, 1991 оноос Галшар сумын төвд багахан хурлыг сэргээгээд байна. (С.Чулуун, Н.Маралмаа)
Өлзийсүрэн Б. Халхын сэцэн хан аймаг. Бит пресс.УБ., 2010
Монголын сүм хийдийн түүхээс.(эмхтгэсэн Б.Эрдэнэбилэг). Соёмбо принтинг. УБ., 2012
Монголын сүм хийдийн түүхэн товчоон. Адмон принтинг. УБ., 2009
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монголын түүх 2016 он