“МОНГОЛЫН ТҮҮХИЙН ЦАХИМ ТАЙЛБАР ТОЛЬ”-д
тавтай морилно уу

---

Монгол Улсын Ерөнхийлөгч Цахиагийн Элбэгдоржийн санаачилга, Ерөнхийлөгчийн Тамгын газрын дэмжлэгээр Шинжлэх Ухааны Академийн Түүх, археологийн хүрээлэнгийн судлаачдын баг монгол нутагт хүн үүссэн үеэс өнөөг хүртэлх түүхийн гол үйл явдал, түүхэн зүтгэлтэн, түүх-соёлын дурсгалыг эрдэм шинжилгээний үр дүнд тулгуурлан олон түмэнд ойлгомжтой хэлбэрээр танилцуулж байгаа болно. Монголын түүхийн тухай тайлбар толь нь Монголчуудын хувьд төдийгүй дэлхий дахинд түгээн дэлгэрүүлэх, үнэн зөв ойлголт өгөх, түүхийн ойлголтыг жигдлэх, бодитойгоор авч үзэх, судалгаа-танин мэдэхүйн цар хүрээг өргөтгөхөд энэхүү толийн гол зорилго оршино.

Уг тольд эхний удаад эх түүхийн баялаг сан хөмрөгөөс нийт 1000 толгой үг, 4000 гаруй ном материал, гэрэл зураг, архивын баримт, эх хэрэглэгдэхүүн багтсан бөгөөд цаашид бид 10000 орчим хүргэнэ гэж тооцож байгаа.

Энэхүү толиос Та сонирхсон түүхийн үйл явдал, түүхэн зүтгэлтэн, түүхийн он дараалал, түүхийн бүтээлүүдийг сонгон үзэж танилцах мэдэж авах боломж буйгаас гадна өөрийн мэддэг түүхийн тухай толгой үгийг өөрийн нэрээр оруулах боломжтой. Та түүх бичилцэнэ гэсэн үг.

Түүх улам баяжин өргөжих болтугай.

Монгол Улсын ШУА-ийн Түүх, археологийн хүрээлэнгийн захирал,
Олон улсын монгол судлалын холбооны ерөнхий нарийн бичгийн дарга

профессор, доктор С.Чулуун