Түшээт ханы Ахай гүний хошууны гол хийд нь Дашдандарлин болно. Анх Энх-Амгалангийн гучин наймдугаар /1699/ онд “Дашдандарлин” сүмийг байгуулан шарын шашныг бадруулан тэтгэж дэлгэрүүлэн дээдийн түмэн өлзийг бататгахын номыг өдөр бүр уншуулан буй. Бас засаг Намжилдоржийн үед хайлан хурал нэмэн хуруулав. Харьяат хуврагуудыг дөрвөн хэсэг хувааж Дашчойлин, Довдонлин Намжиллин, Пунцаглин гэж нэрлэжээ. Засаг тайж Үржинжавын үед /1864-1882/ Цанид дацан, Ахай түшээ гүн Лувсанхайдавын үед /1884-1921/ Жүд, Мамба номын сургууль дацанг байгуулж тэнд цам бүжиг бүжиглэх, майдар бурхан хүрээ эргэх тэргүүтнийг зохиож байжээ.

    Тус хийдийн Майдарт олон зуун мөргөлчид цугларч мөргөл үйлддэг байв. Мөн Ёнзон хамбын ерөөл хурах болов. Хошууны эдгээр дацан хурлууд Сэлэнгэ голын хойт этгээд Овоот уулын энгэрт нутаглан сууж хурал номыг гүйцэтгэн буй гэжээ. (С.Чулуун, Н.Маралмаа)