Түшээт хан аймгийн Сүжигт гүний хошуу одоогийн Төв аймгийн Өндөрширээт сумын нутаг Туул гол,Сономцог уул хэмээх газар оршино.

    Анх Энх-Амгалангийн тавин хоёрдугаар /1713/ онд Цэмбэлдоржийн засаг тэргүүн зэрэг тайж залгамжлахын урьд “Пунцагдэчиндаржаалин” дацанг байгуулж Цогчин хурлыг үүсгэн хуруулжээ. Түгээмэл Элбэгтийн хоёрдугаар /1852/ онд гүн Найдансүрэнгийн үед Цанид, Жүд дацангууд байгуулж хурал номын сургууль үйлдүүлжээ. Мөн 1878 он буюу Бадаргуултын 3-р онд Дүйнхор дацан байгуулж хурал ном хуруулжээ. 1885 онд Мамба дацанг байгуулж хурал сургууль үйлдүүлжээ. Эдгээр дацан хурал цөм Туул голын хойт захад “Сономцог” уулын өвөрт нутаглан сууна гэжээ. (С.Чулуун, Н.Маралмаа)