Адил утгатай үг | Халхын өрнө замын Заг голын эх Бидэръяа нуурын чуулганы баруун гарын баруун этгээдийн хошуу, Засагт хан аймгийн Илдэн засгийн хошуу, Хантайшир уулын аймгийн Чандмань уулын хошуу, Илдэн гүнгийн хошуу |
Төрөл | Хошуу |
Цаг үе | 1691-1925 он |
Хэний хаанчлалын үед | Энх-Амгалан |
Анхны засаг ноён | Засаг, хошууны бэйс Бүүвэй |
Удам | Гэрсэнз жалайр хунтайжийн хоёрдугаар хүү Ноёндай хатан баатарын хүү Төвд хатан баатарын ахмад хүү Хонхой сэцэн жононгийн Цэрэнжав сайн ахайн хүү Тэнгэрэй тойны хүү |
Харьяалал | Засагт хан аймаг |
Байгуулагдсан он цаг | 1691 |
Татан буугдсан он цаг | 1931 |
Манжийн үеийн нэршил (1691-1911) | Халхын өрнө замын Заг голын эх Бидэръяа нуурын чуулганы баруун гарын баруун этгээдийн хошуу |
Богд хаант Монгол улсын үеийн нэршил (1911-1923) | Засагт хан аймгийн Илдэн засгийн хошуу |
1923 оноос хойш (1923-1931) | Хантайшир уулын аймгийн Чандмань уулын хошуу |
Анх байгуулагдах үеийн сумны тоо | 1 сум |
1918 оны хүн амын тоо | Өрх – 48. Эрэгтэй – 120 (үүнээс тайж – 26, хамжлага ард – 21, лам банди – 8, сумны албат эр – 29, сул эр – 36). Эмэгтэй – 109. Нийт – 299. |
1918 оны хүн амын тоо | Өрх – 48. Эрэгтэй – 120 (үүнээс тайж – 26, хамжлага ард – 21, лам банди – 8, сумны албат эр – 29, сул эр – 36). Эмэгтэй – 109. Нийт – 299. |
Одоогийн | Говь-Алтай аймгийн Чандмань сум |
Хошууны дотор байсан сүм хийд | Сантын хүрээ |
Сүүлчийн засаг ноён | Гомбосүрэн |
Халхын баруун гарын бэсүдийн Хонхой сэцэн жононгийн хоёрдугаар хүү Цэрэнжав сайн ахайн хүү Тэнгэрэй тойны хүү Бүүвэй харьяат ардыг авч 1688 онд Чин улсад дагаар оржээ. 1691 онд Долнуурын чуулганаар түүнийг засаг, хошууны бэйс өргөмжлөн харьяат ардыг тусгай нэг хошуу болгон Засагт хан аймагт захируулжээ. Түүний дүү Банди зүүнгарын цэргийн довтолгооны хөлөөс зайлан Хөхнуурын газар сууж байгаад нутагтаа буцан иржээ. 1703 онд Бүүвэйг түүний ахмад хүү Увш залгамжлан засаг суухад нэгэн зэрэг бууруулан улсын түшээ гүнгийн хэргэмийг залгамжлуулав. Тус хошууны нутаг нь зүүнш Улаан булаг, өмнөш Өлгий, баруунш Хөшөөт, хойш Талт, зүүн хойш Утаат, баруун хойш Гашуун, зүүн өмнөш Аман хэлт, баруун өмнөш Шивээт хүрчээ. 1911 онд Монгол улс тусгаар тогтнолоо сэргээн тунхаглахад тус хошууны засаг ноёнд үе улиран Илдэн засаг цол хүртээсэн тул үүнээс хойш тус хошууг Засагт хан аймгийн Илдэн засгийн хошуу хэмээн нэрийдэх болжээ. 1923 оны засаг захиргааны шинэчлэлээр тус хошууг Хантайшир уулын аймгийн Чандмань уулын хошуу хэмээн өөрчлөн нэрийджээ. 1924 онд тус аймгийн Жавхлант уулын хошуунд нийлүүлжээ. 1931 оны засаг захиргааны өөрчлөлтөөр тус хошууны хуучин нутаг нь одоогийн Говь-Алтай аймгийн Чандмань сумын 1, 2-р багийн нутагт хуваагдан оржээ. (Б.Нацагдорж)
Засаг ноёдын үе залгамжлал
Бүүвэй |
Засаг, хошууны бэйс |
1691-1703 |
Увш |
Засаг, улсын түшээ гүн |
1703-1724 |
Ванчиг |
Засаг, улсын түшээ гүн |
1724-1766 |
Лаваандорж |
Засаг, улсад туслагч гүн |
1766-1784 |
Даваацэрэн |
Засаг, улсад туслагч гүн |
1784-1826 |
Вандуйдорж |
Засаг, улсад туслагч гүн |
1826-1849 |
Жигмэддорж |
Засаг, улсад туслагч гүн |
1849-1898 |
Гомбосүрэн |
Засаг, улсад туслагч гүн, улсын түшээ гүн |
1898-1923 |
Jang Mu jokiyaba. Namyun, Banzaraγča mongγolčilaba. Mongγol-un qosiγu nutuγ-un temdeglel (dumda). Ündüsüten-ü keblel-ün qoriy-a. 1990
Майский И. Современная Монголия. Иркутск, 1921.
Сономдагва Ц. Монгол улсын засаг, захиргааны зохион байгуулалтын өөрчлөлт, шинэчлэл. Улаанбаатар, 1998.
Шархүү Цэ. Дөрвөн аймгийн засаг хошуудын засаг ноёдын товч шастир. // Mongoru kenkyukai. Osaka, 1984. Vol.7, т.119-207.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монголын түүх 2016 он