Анхдугаар дүрийн хутагт | Лувсанпринлэй 1642 онд төрсөн. 12 наснаас түвд хэл заалгасан. 1653 онд анхдугаар богд Өндөр гэгээн Жэвзүндамба хутагтад анх удаа бараалхан багш, шавийн барилдлагатай болжээ. 1660-1679 онд Төвд орныг зорьж 19 жил суралцан Халхад буцан ирж шашин номын үйл хэргийг өргөн хүрээтэй явуулсан. Зая бандида Лувсанпринлэй бурханы шашны онолд гүнзий суралцаж, цанид чойрын номд нэвтэрч, анагаах ухаанаар мэргэжин, эмгэг эмчлэх шинэ аргыг боловсруулсан |
Удам | Халхын Түмэнхэн сайн ноёны хүү Цэсжавын хүү |
Харьяалал | Сайн ноён аймаг |
Байгуулагдсан он цаг | 1737 он |
Татан буугдсан он цаг | 1925 он |
Богд хаант Монгол улсын үеийн нэршил (1911-1923) | Сайн ноён хан аймгийн Эрдэнэ Зая бандида хутагтын шавь |
1923 оноос хойш (1923-1931) | Цэцэрлэг мандалын аймгийн Эрдэнэбулган уулын хошуу |
1918 оны хүн амын тоо | 1723 өрх, эрчүүд хөвгүүд, 4461, (үүний дотор лам 1993, шавь ард 2143, бусад давхаргын хүмүүс 325), эмч охид 4025, хүн амтай 8486 |
Одоо | Эрдэнэмандал, Эрдэнэбулган сум бүтнээр, Батцэнгэл, Ихтамир сумын зарим хэсэг |
Шавь дотор байсан сүм хийд | Заяын дээд хүрээ нь 1679 онд 5 дацан, 200 гаруй ламтай үүссэн. Заяын доод хүрээ нь 1706 онд байгуулагдсан “Буяныг дэлгэрүүлэгч” сүм гэж нэрлэсэн. Заяын дээд, доод хүрээ нь хоорондоо 5 км зайтай |
Шавь захирсан сүүлчийн хутагт | VII дүрийн Зая бандида Жамбацэрэн, сахилын нэр Лувсандондовчойжиням. 1905 онд Эрдэнэ Зая бандида хутагтын шавь эмэгтэй Лхамжаваас мэндэлжээ. 1925 оны нутгийн захиргааны дүрмийн дагуу Шавийн захиргааг халж, Зая бандида хутагтын шавь захирах эрхийг хассан. |
Эрдэнэ Зая бандида хутагтын хоёрдугаар дүр Лувсандэлэгнямд 1737 онд Манж чин улсын хааны зарлигаар шавь захирах тамга олгож, Сайн ноён аймгийн Цэцэрлэгийн чуулганд захирагдан болсон. Зая хутагт нь өөрийн шавийн ардыг зохион байгуулж, нутаг дэвсгэрийн зах савын тодорхойлон Цэцэрлэгийн чуулганаар батлуулсан. Эрдэнэ Зая бандида хутагтын 3 дахь дүр Лувсанжигмэддоржийн үед Заян хүрээ өргөжиж, Урд Тамир голын хөвөө, Булган уулын энгэрт суурьшсан. 1906 онд XIII Далай лам Түвдэнжамц Заяын хүрээнд морилон саатаж Зая бандида хутагтын хойд дүрийг тодруулсан. Мөн Далай ламд зориулан даншог мандал барсан. Богд хааны зарлигаар 1914 онд улбар шар хөшигт тэрэг, 1915 онд “Төрөлх нэвтэрхий чин бишрэлт” цол шагнасан. Заяын дээд, доод хүрээнд 1000 гаруй өрхийн 5000 гаруй хүн оршин суудаг бөгөөд 8 аймаг (отог)-т хуваагдаж байсан. 1923 онд батлагдсан “Нутгийн захиргааны дүрэм”-ийн дагуу Зая бандида хутагтын шавийн захиргааг өөрчлөн Цэцэрлэг мандалын аймгийн Эрдэнэбулган уулын хошуу гэж нэрлэсэн. Эрдэнэбулган уулын хошуу нь Булаг сум, Баян уулын сум, Эрдэнэ уулын сум, Мандал уулын сум, Хануй голын сум, Хүнүй голын сум, Оюут уулын сум, Шавагт уулын сум, Орхон голын сум, Хөөвөр нуурын сум, Жинст уулын сум, Цэцэрлэг голын сум, Бүст сум гэсэн 16 суманд хуваасан. 1931 оны засаг захиргааны өөрчлөлтөөр Эрдэнэбулган уулын хошууг татан буулгаж дараах сумдыг байгуулсан. Баян-Улаан, Эрдэнэмандал, Хан-Оюут сум, Хан-Өндөр уулын хошууны зарим өрхийг Заяын шавьтай нийлүүлж Булган сумыг, Баянбайшир, Хотон уулын хошуунаас тасалсан зарим өрхийг Заяын шавийн зарим өрхтэй нийлүүлж Хотонт сум, Цэцэрлэг голын хошуунаас тасалсан зарим өрхийг Заяын шавийн зарим өрхтэй нийлүүлж Цэнхэр сумыг тус тус байгуулсан. (Ч.Батдорж)
Лувсанпринлэй |
Анхдугаар дүрийн Зая бандида Сайн ноёны үр Хөндлөн Увшийн гэрт мэндэлсэн |
1642-1716 |
Лувсандэлэгням |
Хоёр дахь удаа нь Түшээт хан аймгийн Цэвэгрампилын хошууны мэйрэн Банжурын гэрт хувилгаан гарсан. |
1717-1765 |
Лувсанжигмэддорж |
Гурав дахь удаа нь Сайн ноён аймгийн чин ван Цэнгүнжавын гэрт хувилгаан гарсан. |
1766-1803 |
Лувсанжигмэднамжил |
Дөрөв дэх удаа нь Сайн ноён аймгийн ван Сампилдоржийн хошууны тайж Дамирангийн гэрт хувилгаан гарчээ. |
1804-1866 |
Лувсанчойжинванчуг |
Тав дахь удаа нь Сайн ноён аймгийн гүн гүн Ганжуржавын хошууны тайж Ванчигбазарын гэрт хувилгаан гарчээ. |
1866-1904 |
Лувсандондовчойжиням (Жамбацэрэн) |
Зургаа дахь удаа нь Эрдэнэ Зая бандида хутагтын шавь эмэгтэй Лхамжавын гэрт хувилгаан гарчээ. |
1905-1930 |
Ц.Сономдагва. Монгол
улсын засаг, захиргааны зохион байгуулалтын өөрчлөлт, шинэчлэл. МХАҮ Танхимын
хэвлэх үйлдвэр. Улаанбаатар, 1998.
Б.Лааган. Халхын тамга бүхий хутагтуудын товчис. УБ., 2004
Д.Дашбадрах. Монголын хутагтууд. УБ., 2004
Монгол улсын шастир. Дэд дэвтэр Монгол бичгээс хөрвүүлж, тайлбар зүүлт
хийсэн А.Очир, Харнууд З.Лонжид, Ц.Төрбат. Соёмбо принтинг. УБ., 2006
Т.Ядамсүрэн. Зая гэгээний
нутгийн, Заяа сайтай түмэн минь. Битпресс хэвлэлийн компани. УБ., 2009
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монголын түүх 2016 он