БНМАУ-ын АИХ-ын Тэргүүлэгчдийн 1956 оны 12 сарын 31-ний өдрийн зарлигаар социализм байгуулах үйлсэд гарамгай амжилт гаргасан хүмүүст “БНМАУ-ын хөдөлмөрийн баатар” цол олгох болсон. Зарлигт Хөдөлмөрийн баатар цол шагнагчдад Сүхбаатарын одон, “Алтан соёмбо” медаль олгож байхаар заажээ.

         Анхны “БНМАУ-ын Хөдөлмөрийн баатар” цолыг 1957 онд Налайхын уурхайн бэхлэгч малтагч Д.Даваажав хүртжээ. Дараа нь 1958 онд Ерөөгийн САА тракторч Н.Бямбацогт, 1959 онд Булган амйгийн Хишиг-Өндөр сумын хоньчин З.Очир, Батсүмбэрийн САА-н саальчин А.Авирмэд, Жаргалантын САА комбайнч Ц.Цэрэн-Очир, Аж үйлдвэрийн комбинатын ажилчин Д.Шарав зэрэг олон хүнд энэ цолыг олгов.

          1992 оны Үндсэн хуулиар Улсын нэрийг “Монгол Улс” хэмээн нэрлэх болсон тул үүнээс хойш Монгол Улсын Хөдөлмөрийн баатар цол олгох болсон бөгөөд хамгийн сүүлд 2015 онд Монгол Улсын Ардын жүжигчин Б.Зангад 2015 онд Хөдөлмөрийн баатар цолоор шагнуулжээ. Энэхүү цолоор нийтдээ 170 хүн шагнагдсан байна. (Б.Пунсалдулам)