Их зуугийн чуулган нь Ордосын зүүн гарын дундад хошуу, баруун гарын дундад хошуу, баруун гарын хойд хошуу, зүүн гарын хойд хошуу, баруун гарын өмнөд хошуу, баруун гарын өмнөд адаг хошуу зэрэг 7 хошуутай байжээ. Тухайн үед Ордосын зүүн гарын дундад хошуу, баруун гарын өмнөд хошуу, баруун гарын хойд хошууны уулзвар дахь Их зуу гэдэг газар чуулган чуулдаг байсан тул ийнхүү нэрлэжээ. Ордос 7 хошууны ноёд бол Батмөнх Даян хааны гуравдугаар хөвгүүн Барсболдын үр хойчис болно. Батмөнх Даян хаан өөрийн гуравдугаар хөвгүүн Барсболдыг жонон өргөмжилж баруун гурван түмэн буюу Ордос, Түмэд, Юншээбүг захируулжээ. Барсболд жонон 7 хөвгүүнтэй. Ахмад хөвгүүн Мэргэн хар жонон эцгийн хэргэмийг залгамжилж Ордост суусан байна. (А.Пунсаг)