Батболд бол XV зууны эхэн үеийн Монгол улсын Ойрад аймгийн толгойлогчдын нэг  билээ. Нанхиад сурвалжид тэмдэглэснээр Батболд анх 1408 онд Мин улсад элч илгээсэн бөгөөд энэ үед Мин улс Зүүн Монгол, Ойрадын зөрчлийг ашиглах зорилгоор 1409 онд Ойрадын Махаму, Тайпин, Батболд нарын 3 толгойлогчийг ван болгожээ. Батболд “Аньлэ ван”-гаар өргөмжлөгджээ. Улмаар ойрадууд хүчирхэгжих болсонд тэднээс эмээн болгоомжилсон Мин улсын Юнлэ хаан 1414 онд өөрийн биеэр тэднийг дайлахад Батболд Махаму-г дагалдан Туул голын орчимд Мин улсын цэрэгтэй тулалдаж байжээ.

Гэвч үүнээс хойш Мин улстай дахин харилцаа тогтоожээ. Батболд 1438 онд Махаму-гийн хүү Тогооны довтолгоонд өртөж амь үрэгджээ. (Ц.Цэрэндорж)