Аоханыг анх Батмөнх Даян хааны хөвгүүн Гэрэболдын өвлөн авчээ. Түүнээс хойш Боди Алаг хааны дүү Алима ноёнын хоёрдугаар хүү Буйман Түшээт ноёны ахмад хөвгүүн Дайчин дүүрэн ноён Аоханыг захирах болов. Аохан нь Мин улстай худалдаа арилжаа хийдэг байсан бөгөөд тус аймаг 5000 орчим цэрэгтэй байжээ. Аохан нь Линхэ голын сав дагуу нутаглаж, Монголын их хааны шууд захиргаан дахь Цахар түмний харьаят 8 отгийн нэг болжээ. 1627 онд Аоханы Соном дүүрэн, Сэцэн зоригт нар аймгаа авч Лигдэн хааныг орхиж, Хожуу Алтан улсад дагаар оржээ.

Сэцэн зоригтыг нас барсны дараа Манж Чин улсаас түүний хүү Бандид манж гүнжийг гэргий болгон өгч, эфү болгожээ. 1636 онд Аоханыг 1 хошуу болгож, Сэцэн зоригтын хүү Банди ноёнд цзюнь вангийн хэргэм шагнажээ.

Чин улсын эцэс үед Аоханд дахин 1 хошуу байгуулж, Аоханы 2 хошууг Зуу-Удын чуулганд захиргажээ. (Ц.Цэрэндорж)