Энх Зоригт хаан бол Төгстөмөр хааны том хүү бөгөөд эцгийгээ залгамжлан хаан ширээнд суусан гэж монгол сурвалжид тэмдэглэсэн байдаг. Тэрээр гуравхан жил хаан сууринд суугаад нас барсан тул түүний талаар дорвитой мэдээ үгүй. Энх Зоригт хааныг нас барсны дараа түүний дүү Элбэг хаан ширээнд суужээ.

Зарим судлаач Энх Зоригт хаан, Есүдэр хоёрыг нэг хүн гэж үздэг. Харин зарим сурвалжид Зоригт хааны дараа Энх хаан сууринд суусан, өөрөөр хэлбэл Энх Зоригт хаан гэдэг нь нэг хүн биш, хоёр өөр хүн байсан мэтээр тэмдэглэжээ. (Ц.Цэрэндорж)