Хүн амьтны их тархины бор хальсны ажиллагаа түр саатан бие амарч нойрсох - Унтах нойроо хагаслан байж учиг шингээн дэлгэрэнгүй...суугаа билээ. Д.Пүрэвдорж. Нар тойрсон зам., унтах ор (дээр нь хэвтэж нойр авах унтлагын хэрэгсэл), унтан унтталаа (унтах хүртлээ) - Эмээтэй хоёул унтан унтталаа элдэв хангайн юм ярьж бишгүйдээ инээж ханиалаа. Б.Бааст. Алтайн хөх дөнөн., унтах тасалгаа (нойр авах өрөө), унтаж хоцрох (а. Унтаж үлдэх; б. Хэтэрхий их унтах), бөх унтах (юу болсныг мэдэхгүй таг нойр авах), бүхлээрээ унтах (ороо засалгүй хувцастайгаа нойр авах), түр зуур унтах (хэсэгхэн нойрт дийлдэх), унтах хэвтэх [хоршоо] (нойр авах) - Унтах хэвтэх, босож суух, нэхэмжлэн санамжлах, ухамжлан зовсныг юуны мэдэж өрөвдөх аж. В.Инжаннаши Хөх судар., унтах амрах [хоршоо] (нойр авч биеийн алжаалыг тайлах) - Бет улсын болд хүчит цэрэг хэмээгч нэгэн хаалганд гурван хүн идэх уух, унтах амрах чөлөөтэйгөөр боловсрон тогтсон бөгөөд хүн хүчтэй, морь дадамгай, хуяг нягт, зэвсэг хурц тул... В.Инжаннаши Хөх судар., манаа манана гэж унтаад, манаж байна гэж унтаад, маналаа гэж унтах гэх шиг [зүйр цэцэн үг] (ялих ялихгүй шалтаг зааж хойргоших, залхуурах гэсэн санаа), унтах ихэдвэл урагш муудна, уурлах ихэдвэл явдал хазайна [зүйр цэцэн үг] (унтах, уурлах сайн зүйлд хүргэхгүй гэсэн санаа), унтсан хүн шөнийн уртыг мэдэхгүй, уурласан хүн хэргийн зүйг олохгүй [зүйр цэцэн үг] (хэрэг явдлыг ултай үзэх нь зүйтэй гэсэн санаа), унтахыг хэмнэвэл ухаан сурна, ундаа хэмнэвэл судас чангарна [зүйр цэцэн үг] (унтаж идэхээ багасгаж ажил хийж юм сур гэсэн санаа).