Албан хэргээр явахад ардын мал хөрөнгөөс унах эдлэх эрхийг олсон хүний хэрэглэх уналга, ачлага: улаа дэлгэрэнгүй...
барих (ард иргэдийн уналга хөсгийг албадан хэрэглэх) - Засгийн газрын элч нартай дайралдаж тэдэнд ноёны адуунаас улаа барьж өгсөн юм байжээ. С.Дашдэндэв. Улаан наран., улаа нэхэх (уналгаа буцаан авч ирэхээр дагах), улаа шүүс (элчийн хоол унд) - Дэмий илүү улаа шүүс хэрэглүүлэхэд хүрсэн зэрэг явдлыг эгнэгт бид нар тухайд учрыг гаргаж эс мэдүүлснээс үүдсэн хэрэг. Ардын заргын бичиг., улааны зар (улаа хэрэглэх үнэмлэх бичиг) - Хурлын дарга Мятав өвгөнөөсөө улааны зар шийтгүүлж аваад мордоцгоолоо. С.Дашдэндэв. Улаан наран., улааны морь (улаа залгуулахаар тусгайлан бэлдсэн өртөөний морь), улааны тэрэг (шуудангийн тэрэг), өртөө улаа (а. Өртөөнөөс хэрэглэх улаа; б. Өртөөлөн хийх зарлага) - Урьдын олон өртөө улаа, албан татвар, хятадын өр шир, зүйл зүйлийн зовлон зүдрэл цөм устаж үгүй болов. С.Буяннэмэх. Түүвэр зохиол., уургын улаа (аль тохиолдсон адуунаас морь хөсөг барьж хэрэглэх улаа) - Элч нарыг ард олны дундуур хамаагүй уургын улаа унаж хэсүүчлэн давхихгүй. Гагцхүү өртөө замаар явах болгоё. Монголын нууц товчоо., улаа алба (улааны алба), улаа юүлэх (улаанд хэрэглэж буй морио солих), муу үг модон улаатай [зүйр цэцэн үг] (а. Муу үг тархахдаа хурдан; б. Муу нэрийг арилгахад бэрх гэх мэт санаа).улаа барих | ард иргэдийн уналга хөсгийг албадан хэрэглэх |
улаа нэхэх | уналгаа буцаан авч ирэхээр дагах |
улаа шүүс | элчийн хоол унд |
улааны зар | улаа хэрэглэх үнэмлэх бичиг |
улааны морь | улаа залгуулахаар тусгайлан бэлдсэн өртөөний морь |
улааны тэрэг | шуудангийн тэрэг |
өртөө улаа | а. Өртөөнөөс хэрэглэх улаа б. Өртөөлөн хийх зарлага |
уургын улаа | аль тохиолдсон адуунаас морь хөсөг барьж хэрэглэх улаа |
улаа алба | улааны алба |
улаа юүлэх | улаанд хэрэглэж буй морио солих |
муу үг модон улаатай | а. Муу үг тархахдаа хурдан б. Муу нэрийг арилгахад бэрх гэх мэт санаа |
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он