Зовлон бэрхшээлийг тэсэж давах чадвар, тэвчээр, хүлцэл, хатуужил - Монгол морь хятад мориноос их өөр, бие бага дэлгэрэнгүй...боловч үнэхээрийн эртэй, өргөн хөндий туулах, өндөр уул давах, гол мөрөн гатлахад эцэх цуцах нь бага, халуун хүйтэнд тэсвэр сайтай. Ш.Нацагдорж. Мандхай цэцэн хатан., тэсвэр алдах (тэвчээр алдах) - Тамжид хүүдийний амсар боосон уяаг тайлахын хооронд, -Энэ чинь юу гээч вэ? гэж тэсвэр алдан асуув. Б.Нямаа. Арандалынхан., тэсвэр барагдах (тэвчээр барагдах), тэсвэр муутай (хатуужил муутай, сэтгэлийн тэнхээ муутай), тэсвэр сайтай (сэтгэлийн тэнхээ сайтай, тэвчээр хатуужилтай) - Хэдийгээр монгол цэргийн ихэнх нь зэвсэггүй боловч тэдэнд хурдан хөлтэй, тэсвэр сайтай морьд мөн тус бүрд нэг нэг ташуур байлаа. Л.Түдэв. Улаан долгион., зориг тэсвэр [хоршоо] (үйл хэрэг, санасан зорьсондоо хүрэх хичээл зүтгэл, хатуужил), тэсвэр хатуужил [хоршоо] (хүнд бэрхийг даван туулах бие болоод сэтгэлийн хат), тэсвэр тэвчээр [хоршоо] (хүний зовлон бэрхшээл, элдэв зүйлийг хүлцэн дааж өнгөрүүлэх чадвар), тэсвэр бий бол дуусвар бий, тэвчээр бий бол эрдэм бий [зүйр цэцэн үг] (тэвчээртэй байж эрдэм ном сурдаг гэсэн санаа), тэсвэр тэжээх, чадал цатгах [зүйр цэцэн үг] (тэвчээртэй байж эрдэм ном сурвал насан туршийн хоолтой болно, эрдэм номгүй хүчээ сорьж амьдарвал гэдсээ цатгах хоолтой байна гэсэн санаа).