1. Аливаа хэрэг явдлыг тэмдэглэн бичсэн бичиг дэвтэр, тэмдэглэсэн зүйл: тэмдэглэл хөтлөх (а. Протокол дэлгэрэнгүй...хөтлөх; б. Юу хийсэн, бүтээснээ бичиж авч байх), тэмдэглэл хийх (тэмдэглэл хөтлөх) - Заставын дарга ахмад Дондов улс төрийн орлогч дэслэгч Төмөр шинэхэн хөх цэмбэн артай дугуй ширээ тойрон сууцгааж тэмдэглэл хийнэ. Г.Дүйнхэржав. Арилшгүй мөр., тэмдэглэлийн дэвтэр (юм тэмдэглэх дэвтэр), замын тэмдэглэл (замд үзсэн харсан, дуулснаа тэмдэглэсэн зүйл), нэрсийн тэмдэглэл (нэрсийн жагсаалт), өдрийн тэмдэглэл (өдөр тутмын үйл явдал, хийснээ тэмдэглэсэн дэвтэр), хувийн тэмдэглэл (хувь хүний бичиж тэмдэглэсэн зүйл), магад тэмдэглэл [хуучирсан] (дундад улсын хаан нэг бүрийн ноёрхлын үед дэх чухал түүхэн хэрэг явдлуудыг оны дарааллаар нь тэмдэглэсэн бичиг), бичиг тэмдэглэл [хоршоо] (бичиж тэмдэглэсэн зүйл), найруулал тэмдэглэл [хоршоо] (аливаа нэгэн үйл явдлын тухай тэмдэглэн найруулж бичсэн нь);