1. Гал түлэхэд зориулан бэлтгэсэн түлээ, аргал, мод, нүүрс зэрэг юм: түлш хийх (а. Зуух пийшин зэрэгт дэлгэрэнгүй...түлэхэд зориулан бэлтгэсэн зүйлээ хийх; б. Түлж болох зүйлийг түлш болгон хэрэглэх) - Магсаржав тулганд түлш хийж галлах гэж суув. С.Удвал. Их хувь заяа., түлш авах (түлэхэд хэрэглэх зүйлээ авах), түлш бэлтгэх (түлэх зүйлээ бэлтгэх), түлш түүх (түлж болохоор зүйл түүх), түлшинд хэрэглэгдэх юм (түлш болох юм), түлшийг дулааны аргаар боловсруулах (шатамхай түлшийг агааргүй орчинд дулааны аргаар задалж хатуу, шингэн, хийн байдалтай түүхий эд бүтээгдэхүүн гаргаж авах), хийн түлш (шатах хий), аргал түлш [хоршоо] (түлэхээр бэлтгэсэн зүйл) - Тэр даруй гадаа гарч аргал түлш янзлан, гэрийн ажлаас хамжилцав. Л.Түдэв. Нүүдэл., түлээ түлш [хоршоо] (түлэх юм) - Хагас сар нарыг үзсэнгүй хүн мал зутрахад хүрч, түлээ түлш их л дутахад долоон сарын шинийн нэгэнд Шихихутаг түшин мандалд авирав. В.Инжаннаши. Хөх судар., түлш ойрыг бодвол уулыг түш, ус ойрыг бодвол голыг дага [зүйр цэцэн үг] (уул бараадвал түлшээр тасрахгүй, гол дагавал усаар гачигдахгүй гэсэн санаа).