1. Юмыг гараар болон багаж хэрэгслээр хүчлэн цааш болгох, түрэх - Аварга модыг унагаая гэвэл алсын салхины аясыг дэлгэрэнгүй...дагуулан түлхэх хэрэгтэй. Таван сургамж., түлхэж унагах (а. Цааш болгон унагах, түрж унагах; б. [шилжсэн] Зайлуулах, огцруулах) - Түүнийг хаан сууринд суугаад бүтэн гурван жил хүрээгүй хугацаанд хадам эцэг Бэг-Арслан түүнийг түлхэн унагааж хаан ширээ булаахыг оролдлоо. Ш.Нацагдорж. Мандхай цэцэн хатан., түлхэж зайлуулах (а. Цааш болгон зайлуулах, түрж зайлуулах; б. Огцруулах), дайнд түлхэн оруулах (дайнд уруу татан оруулах, дайнд хүчээр татан оруулах), гараараа түлхэх (гараараа цааш болгох), мөрөөрөө түлхэх (мөрөөрөө ёврох), хөлөөрөө түлхэх (хөлөөрөө өшиглөх), татах түлхэх [хоршоо] (юмыг нааш үгтээх, хүчлэн цааш болгох), түрэх түлхэх [хоршоо] (а. Юмны араас шахах түлхэх; б. [шилжсэн] Хэрэг явдлыг өөрөөсөө зайлуулах);