Мал адгуусны хөлийн газарт гишгэх хэсгийн эвэрлэг бүрхүүл - Хар морь минь хатуу чулуунд туурайгаа салбартал элээж дэлгэрэнгүй...бүдчин гэлдэрсээр байв. Д.Мягмар. Уянгын туужууд., Гэнэт гадаа морин туурай сонсогдож нэг хүн ирэв. Ц.Дамдинсүрэн. Түүвэр зохиол., адууны туурай (адууны хөлийн үзүүр хэсэг, тавхай), ац туурай (салаа туурай), цомбон туурай (цомбогор туурай) - Цомбон туурайтай хүрэн нь цохолсон хар алхаатай. Монгол ардын дуу., туурай тамга (морины туурайн хэлбэртэй малын тамга), туурайн зуд (мал хэт олширч, бэлчээр эвдрэх гамшиг), туурай сунах (малын туурай буур элэгдэж хэлбэр алдах, дутуу буруу хөгжлөөс шалтгаалан үүсэх өвчин), туурай ханзрах (малын өвс тэжээлд элдэв эрдэс дутагдсанаас шалтгаалан үүсдэг өвчин), туурай ялзрах (ялзруулагч нянгаар үүсдэг туурайн халдварт өвчин), туурайн магнай хатгах (туурайн магнайг голлуулан тагалцгийн өмнөх судсыг хатгаж адууны туурайн зарим өвчнийг эмчлэх ардын мал эмнэлгийн арга), ул туурай [хоршоо] (мал, амьтны хөлийн үзүүр хэсэг) - Хүлэг сайн морьдынхоо ул туурайг барах хэрэггүй. ААЗ., *туурайг нь хатаах (өмнөхийн мөрөөр орох, муу талыг нь дуурайх) - Ням гуай, танай энэ жаал хүү чинь дэндүү дэггүй өсөж байна шүү. Энэ чинь талийгаач дарга Очирынхоо туурайг хатаасан хэрүүлийн тулам, заргын эзэн болж магадгүй байна. Ц.Уламбаяр. Зовлон жаргал., *туурайдаа тоосгүй (маш хурдан), ногоон хурганы арьс, нохойн битүү туурайнаас бусад нь [зүйр цэцэн үг] (бүх төрлийн бараа таваар элбэг байх гэсэн санаа).