1. Ухамсаргүйгээр буруудсан эндүүрсэн зүйл, эндүү, омтгой: ташаа үсэг (буруу бичлэгтэй үсэг), дэлгэрэнгүй...ташаа бичлэг (зөв бичих зүйн дүрмээс гажсан үг үсгийн бичлэг), ташаа ухаарах (хүний хэлсэн ярьсан зүйлийг буруу ойлгох, андуу ухаарах) - Соёлынхоо түүхийг судлах хүн урьд байсангүйгээс ташаа ухаарчээ. Б.Ринчен. Өмнө этгээдэд зорчсон тэмдэглэл., ташаа үг (хүний санамсаргүй буруу хэлсэн үг, алдаатай хэлсэн үг), ташаа хэрэг (нөхцөл байдлыг буруу ухаарснаас үүдсэн хэрэг явдал), ташаа явдал (омтгой явдал, ёс зүйд үл нийцэх явдал); алдаа ташаа [хоршоо] (алдсан эндсэн зүйл, буруу зүйл), андуу ташаа [хоршоо] (буруу, үнэн биш) - Манай хүүхдийн сонссон яриа андуу ташаа байж болно. Л.Түдэв. Уулын үер., худал ташаа [хоршоо] (үнэн биш, хуурмаг), хилс ташаа [хоршоо] (а. Бодит үнэнд үл нийцсэн байдал; б. Хэн нэгэн хүнийг буруутай хэмээн гүтгэсэн байдал), эндүү ташаа [хоршоо] (нөхцөл байдлыг буруу ухаарсан байдал) - Тэр хазгар өвгөн надад эндүү ташаа болохоор юм хэлсэнгүй. П.Лувсанцэрэн. Хөдөөгийн дуун., ташаа саармаг [хоршоо] (буруу зөв, үнэн худал нь мэдэгдэхгүй байдал);