Жихүүн, хүйтэвтэр байдал - Зуны сэрүүн сайханд унтаж ч болно. Б.Бааст. Алтайн дэлгэрэнгүй...цэцэг., сэрүүн салхи (хүйтэн салхи) - Үүрэглэж эхэлсэн хүрээ рүү Чингэлтэй уулын зүгээс сэрүүн салхи тасалдан үлээж түг түмэн нохойн өнгө бүрийн хөгөөр хуцах тасралтгүй дуу чих базлан яншина. Ч.Лодойдамба. Тунгалаг Тамир., сэрүүний улирал (хавар намрын цаг), сэрүүн булаг (ямагт хүйтэн устай байдаг булаг), сэрүүн шөнө (бага зэрэг хүйтэн шөнө) - Магнай гадагш гарч сэрүүн шөнийн амтлаг сайхан агаараар чээж дүүрэн амьсгалав. Л.Түдэв. Нүүдэл., сэрүүний амьсгал (хүйтний эх) - Хүйтэн сэрүүний амьсгал орох хүртэл хөдөөрхөг газрын бэлчээр түшиглэхэд хүч тарга сайн нэмэгдэнэ. Ж.Самбуу. Мал маллагааны арга туршлага., сэрүүн орох (хүйтэрч эхлэх) - Баруун хойд уулын мод захаасаа ганц хоёроор шарлаж намрын сэрүүн орж буй шинж мэдэгднэм байлаа. С.Удвал. Та бид уулзана., намрын сэрүүн (намрын хүйтэн үе) - Тунхаг ч яамай өвлийн хүйтэн, намрын сэрүүнээс наана хувцас хунараа базаамаар байна. С.Удвал. Их хувь заяа., өглөөний сэрүүн (өглөөний жавар арилаагүй хэсэг үе) - Өглөөний сэрүүнд эртхэн жаал дөхөж буугаад хэдэн тэмээгээ идүүлэхийг бодно. Г.Дүйнхэржав. Арилшгүй мөр., сэрүүн ундаа (хөргөсөн ундаа, хийжүүлсэн ундаа), сэрүүн бүлээн [хоршоо] (зөөг), хүйтэн сэрүүн [хоршоо] (а. Халуун дулаан биш; б. Намар, өвлийн цаг) - Хүйтэн сэрүүн болж цэргүүд дулаан хувцасгүй хэцүү байна. С.Удвал. Их хувь заяа., сэрүүн цэцэг [ургамал] (хотгор газар ургана, иш салаа хөндий, дүрс улаан, цэцэг цагаан, тоорцог шар нэг зүйл цэцэг), *сэрүүн зүүдлэх (бүтэхгүй юм сэдэх), *сэрүүндээ гарах (түвэг бэрх, хүчир зовлон, аюул бартааг нэгэнт туулаад аятай, таатай байдалд шилжих).