Бурхан тахих, ном сургаал айлдах, хурал хурах зэрэг шашны ёсны зан үйл үйлдэх орон байр - Ноёны сүм бол ноёны дэлгэрэнгүй...өргөөнөөс зүүхэн урд байдаг билээ. С.Дашдэндэв. Улаан наран., буддын сүм (буддын шашны зан үйл явуулах, уншлага ном хурах газар), сүмд өргөх (сүмд хүндэтгэн барих) - Лам тэр хивсийг нь урд хүрээний гол сүмд өргөж өвч хивсэн дэвсгэртэй болжээ. С.Дашдэндэв. Улаан наран., сүмийн даамал (сүмийн аж ахуйг толгойлсон хүн) - Баажив донир гэгч Дээд сүмийн даамал бөгөөд эзэн хааны сангаас нууц хумслан их л баяжсан овжин хүн болой. Л.Түдэв. Алтан гадас чигийг заана., сүмийн орой (сүмийн хамгийн өндөр хэсэг буюу дээд хэсэг) - Сүм дээр гарч сүмийн орой дээрээс хашхирахаар шийдсэн нь тэр байв. Д.Маам. Тэмээний дууль., сүмдээ ирвэл хэвгүй лам, шөнө гарвал завхай лам [зүйр цэцэн үг] (ил нэг янз, далд нэг янз), сүм дуган [хоршоо] (лам нарын ном уншлагын газар) - Хүрээний алтан ганжиртай гоё гоё сүм дуганууд холоос гялалзана. Б.Өлзийсүрэн. Замын хүзүү., сүм дацан [хоршоо] (бурхан тахих, ном сургаал айлдах, хурал хурах зэрэг шашны ёсны зан үйл үйлдэх ба шашны ёсны сургууль хийх газар), сүм хийд [хоршоо] (шашны элдэв зан үйл хийх газар) - Сүм хийдийг дагаж лам багшийн аврал өршөөлийг горьдож яваа ядуу доорд лам банди нар энд олон байна. П.Хорлоо. Багш., сүм хүрээ [хоршоо] (хүрээ хийд).