1. Нүдний хараа гэмтэж, юм үзэхгүй болсон байдал, хараагүй: төрөлхийн сохор (төрөхдөө хараагүй дэлгэрэнгүй...төрсөн), сохор мал (нүдний нь хараа гэмтэж юм үзэхгүй болсон мал) - Гомбо өрөөсөн нүд сохор буурал морио бас нэг хоёр жил унасан байх. Ц.Дамдинсүрэн. Түүвэр зохиол., таг сохор (огт юм хардаггүй) - Бүтэн сар болоод сая ухаан орохдоо хоёр нүд таг сохор байв. С.Эрдэнэ. Өгүүллэгүүд., сохор доголон [хоршоо] (харалган болоод хөл муутай байдал, тахир дутуу) - Наад захын жишээг хэлэхэд То ван хошууныхаа сохор доголон улсыг цуглуулж тоосго чулуу зөөлгөжээ. С.Дашдэндэв. Улаан наран., сохор хорхой [амьтан] (том хар хорхой) - Түүний цаана том бор аалз унасан сохор хорхой хүрч ирж унтлаа. Монгол ардын баатарлаг туульс., сохор номин [амьтан] (газар дор амьдрагч, сүүн тэжээлт мэрэгч амьтан) - Даарч жихийснээс бие нь хөнгөрч сохор номингийн шороо, харганы бутан дээгүүр сэвэлзэн алхлаа. Б.Нямаа. Арандалынхан., *сохор харын өртөөнд очих (унтах) - Өвгөөн, маргааш найман цагт хичээлтэй, сохор харын өртөөнд мордох уу гэв. Ч.Лодойдамба. Дусал нулимс юу гэж хэлсэн бол., янагийн нүд сохор [зүйр цэцэн үг] (дурласан хүн хайртай хүнийхээ өө сэвийг анзаардаггүй гэсэн санаа), сохор үхэр ус уугаад онгоцондоо баах [зүйр цэцэн үг] (ач тусыг мэддэггүй гэсэн санаа), сохор муурт үхсэн хулгана [зүйр цэцэн үг] (а. Чадалгүй хүнд гэнэт тохиолдох олз; б. Санаандгүй байтал тохиолдох завшаан), сохор хүн худагт унаад гүн гүехнийг нь үзье гэх [зүйр цэцэн үг] (муугаа мэдэхгүй нэрэлхүү гэсэн санаа), сохрын газар нүдээ ань, доголонгийн газар хөлөө өргө [зүйр цэцэн үг] (аливаа хэрэг явдлыг тухайн газар орны бодит байдал, зан заншилтай уялдуулах, тохируулах нь чухал гэсэн санаа), сохор байгаад үзэх дуртай, дүлий байгаад сонсох дуртай [зүйр цэцэн үг] (а. Хэр чадлаа мэдэхгүй хэрэгт дурлах; б. Хүн мэдэхгүй зүйлдээ сониуч байдаг гэсэн санаа), сохор шувуу шуугианд, муу хүн үймээнд [зүйр цэцэн үг] (муу этгээд завшаан эрж хэрэг хийдэг гэсэн санаа);