1. Харвасан, шидсэн, буудсан сум, чулуу онилсон газраа яг тусах, таарах: голд нь онох (ямар нэгэн дэлгэрэнгүй...зүйлийн гол цөмд нь тусах), чулуугаар онох (шидсэн чулуунд цохигдох), амин газар нь онох (үхэлд хүргэх газарт нь таарах) - Амин газар нь бас л оноогүй боловч юу ч болтугай онох нь ч оножээ. Б.Бааст. Алтайн хөх дөнөн., олны хүч оносон сум [зүйр цэцэн үг] (олон түмэн их хүчтэй, дийлдэшгүй гэсэн санаа), олсоор олсоор баян болно, оносоор оносоор харваач болно [зүйр цэцэн үг] (аливаа зүйлийг олон дахин давтан хийвэл дадлагажиж, улам сайжрах);