1. Бүлэгнэж өтгөрсөн цус: нөж атган төрөх (бүлэгнэсэн цус атган төрөх) - Ононы Дэлүүн болдог дэлгэрэнгүй...гэдэг газар Чингис хааныг төрүүлэв. Чингис хаан төрөхдөө баруун гартаа шагайн чинээ нөж атган төржээ. Монголын нууц товчоо., нөж базах (саванд уудалсан малын цусны өтгөнийг базан тарааж шингэлэх), нөжөө цувуулах (цус нөж гаргах), нөжөө холилцох (биенээсээ цус гартал зодолдох) - Хүрээний лам нартай хятадуудтай нөжөө холилцоно гэж ярьж билээ. О.Цэндсүрэн. Халуун салхи., цус нөж [хоршоо] (бүлэгнэж өтгөрсөн болон шингэн цус) - Наад цамц чинь цус нөж болчихсон байх чинь гээд, өөхөн дэнгээ авч ойртуулан харлаа. Д.Мягмар. Уянгын туужууд;