Бөөрөнхий боргоцойтой, мөнх ногоон, урт хос шилмүүстэй нэгэн зүйл мод: нарсан төгөл (нарс модон дэлгэрэнгүй...төгөл) - Палам балмагдан өгүүлээд харайн бууж, Бөөрөлжийн нарсан төгөл байсан газар тийш алхлав. С.Эрдэнэ. Хайрын нарсан төгөл., хар нарс [ургамал] (өнгө ногоон, тураг мод; барилгын дэр мод, цахилгаан утасны шон хийнэ), явган нарс [ургамал] (маш олон салаа бүхий, салаа нь газар дээр хэвтээ ургах мөнх ногоон багавтар шилмүүст мод), нарсан банз (нарс модоор хийсэн банз), нарсны цавчдас (нарс модыг цавчихад гарсан холтос, зоргодос) - Нарсны цавчдас, зоргодос сонгон авлаа. Марк Твен. Том Сойерын адал явдал., нарсны бясаа [амьтан] (хатуувтар далавчтаны багийн овгийн нэгэн зүйл амьтан; нарсны холтсонд амьдарч хооллосноос модны өсөлт саатаж, мод оройноосоо шарлан аажмаар хатна), зулзаган нарсан өвс [ургамал] (хээр талд ургах, шувуун нударгатай адил нэгэн зүйл ногоо), *нарсанд суух (шоронд орох), нарсны намаа зулгарахгүй, чулуунаас соёо гарахгүй [зүйр цэцэн үг] (а. Аливаа бүхэн ёс жамаараа болох; б. Бүтэхгүй зүйл г‎эсэн санаа), нарс модны салаа арвин, настай хүний туршлага арвин [зүйр цэцэн үг] (нас ахимаг хүн амьдралаас сурсан зүйл ихт‎эй байдаг гэсэн санаа).