Сонсгон мэдэгдэх үг сураг: мэдээ авах (ямар нэгэн зүйлийн талаар сураг чимээ сонсох), мэдээ дэлгэрэнгүй...гаргах (сураг гаргах), мэдээ залгуулах (сураг чимээ өгөх), мэдээ өгөх (а. Сураг чимээ сонсгох; б. Зарлиг заавар өгөх, дамжуулах; в. Нийгэмд болж буй үйл явдлын тухай хэвлэл мэдээллийн хэрэгсэлд мэдээлэл бичиж өгөх), мэдээ хүргэх (сураг дуулгах, дамжуулах) - Шөнө яаралтай мэдээ хүргэх хүн ирвэл... Монголын нууц товчоо., лавтай мэдээ (баттай, бодит эх сурвалжаас авсан зүйл), хэвлэлийн мэдээ (хэвлэлийн газраас нийтлэн зарласан зүйл), хар мэдээ (таагүй сураг) - Гашуудлын гунигт хар мэдээ сонсоно гэж айн бачимдсан Бат... Ч.Лодойдамба. Тунгалаг Тамир., мэдээ баримт [хоршоо] (тухайн зүйлтэй холбогдох бичиг, бусад хэрэглэгдэхүүн) - Дурдсан зүйлээс мэдээ баримт сураглан цуглуулж… билээ. Б.Ринчен. Монгол бичгийн хэлний зүйн удиртгал., мэдээ занги [хоршоо] (шинэ сураг чимээ), мэдээ чимээ [хоршоо] (сураг ажиг), хэл мэдээ [хоршоо] (хэл сураг), хэл мэдээ авалцах (сураг чимээ авалцах).