1. Үзэмжгүй, сайхан биш - “Би гэрт, энэ маань гадаа муухай болоод байж дөнгөх л байгаа даа” гэж дэлгэрэнгүй...эмгэний хэлэхэд хүү нь хатуу амтай ээждээ энэ удаа эгдүүцсэнгүй. Ш.Гаадамба. Элбэг дээл., муухай дуу (хахир, зэвүү хүрэм дуу) - Үхсэн морины толгойноос үхээрийн могой гарч, муухай дуугаар исгэрч мурилзан гулгаж ирээд... Ц.Дамдинсүрэн. Түүвэр зохиол., муухай зүүд (сэтгэл хирдхийлгэсэн таагүй зүүд), муухай үнэр (эвгүй үнэр), муухай царайлах (царай нь тааламжгүй, сайн биш харагдах), сайхан муухай [хоршоо] (тааламжит болоод тааламжгүй зүйл), *сайхан муухайгаа хуваалцах (зовлон жаргалаа хуваалцах), *муу муухайд нь хүрэх (хараах, доромжлох), *муу муухайгаа дуудуулах (бусармаг, буруу явдлыг нь ил хэлэх) - До захирагчийн эхнэр манайд залуу юм шиг орж ирээд над доромжлуулаад нөхөртөө аль муухайгаа дуудуулаад явж байсныг харсан шүү дээ. Ч.Лодойдамба. Тунгалаг Тамир., мууд муухай нэмэр, муухайд улцан нэмэр [зүйр цэцэн үг] (муу юмыг улам муу болгох гэсэн санаа) - муу ч бол эмтэй нь дээр, муухай ч бол үртэй нь дээр [зүйр цэцэн үг] (муу ч гэсэн гэр бүлтэй, үр хүүхэдтэй гэсэн санаа);