Хурал хурж буй лам нарын уух цай, цайны хүндэтгэл: манз зооглох (лам нар цайгаа дэлгэрэнгүй...уух) - Лам нарын манз зооглох үеэр хашааны гаднах том хүрднүүдийг баахан эргүүлж явлаа. Б.Ринчен. Үүрийн туяа., манз барих (а. Цай уухын хүндэтгэл; б. Лам нарт цай өгөх; в. Сүм хийдийн лам нарыг цайлж буян үйлдэх), манз хүртэх (лам нар цай хоолоо идэх) - Манз хүртэх цаг болов. Б.Ринчен. Үүрийн туяа., манз зоог [хоршоо] (лам хуврагуудын цай хоол) - Идээ цагаа, манз зоог бэлтгэн гүйлдэнэ. Ц.Уламбаяр. Зовлон жаргал., манз цав [хоршоо] (лам хуврагуудын зоог), зэд манз [хоршоо] (лам нарт барих цав, зоог), манз мааньтай газарт эрхээ барь, манжтай газарт аягаа барь [зүйр цэцэн үг] (тухайн газрын ёсыг дагах хэрэгтэй гэсэн санаа), маань уншивч аялгуу нийлэхгүй, манз хийвч буян нийлэхгүй [зүйр цэцэн үг] (ажил хийх эв дүй таарахгүй гэсэн санаа).