1. Үхээгүй, амь бүхий, амьд байгаа: амьд амьтан (амьтай махбод), амьд ахуй (амьтай дэлгэрэнгүй...
буй цаг, амьдарч буй цаг), амьд байгаль (шим ертөнц буюу амьтан, ургамал), амьд гарах (аюул ослоос мэнд гарах), амьдаар нь барих (а. Алахгүй барьж авчрах; б. Үйлдсэн хэргийг газар дээр нь илрүүлэх), амьдаар нь алах (цусгүй алах), амьдын жин (амьд байх үеийн биеийн жин), амьдын ерөөл (амьд мэнд явах хувь заяа), амьдын там (а. Машид зовоогч; б. Туйлын их гаслан зүдгүүр), *амьд хүн (ажилсаг, золбоотой, овсгоотой хүн) - Түүний дэргэд ёстой амьд хүн байхгүй юу. “Утга зохиол, урлаг” сонин., *амьдаар шарах (хүнийг ичээх), амьд амгалан [хоршоо] (амар амгалан) - Амьд амгалан уулзах болтугай. Халх ардын тууль., амьд мэнд [хоршоо] (эрүүл саруул, өвчин зовлонгүй) - Аав ээж минь амьд мэнд болов уу. Монгол ардын үлгэр., амьд сэрүүн [хоршоо] (эрүүл саруул аж төрөн байх үе), амьд явбал алтан аяганаас ус ууна [зүйр цэцэн үг] (а. Амьдралд их юм үздэг; б. Амьд байвал хэзээ нэгэн цагт жаргах цаг ирнэ гэсэн санаа), муу амьд явахаар сайн үхсэн нь дээр [зүйр цэцэн үг] (утга учиртай амьдар гэсэн санаа), амьд хүн аргаа олдог [зүйр цэцэн үг] (амьд хүн аргатай), амьд хүн аргатай, аргалын гал цогтой [зүйр цэцэн үг] (амьд явбал арга нь олдоно гэсэн санаа), амьд хүний гэрч болохоор, үхсэн хүний дэр бол [зүйр цэцэн үг] (хашир болгоомжтой бай гэсэн санаа), алдаж онодог нь амьд хүний ёс [зүйр цэцэн үг] (алддаггүй хүн гэж байхгүй), үхсэн буурын толгойноос амьд ат айх [зүйр цэцэн үг] (нэр сүр, хүч чадлаас нь айх гэсэн санаа);амьд амьтан | амьтай махбод |
амьд ахуй | амьтай буй цаг, амьдарч буй цаг |
амьд байгаль | шим ертөнц буюу амьтан, ургамал |
амьд сэрүүн | эрүүл саруул аж төрөн байх үе |
амьд гарах | аюул ослоос мэнд гарах |
амьдын ерөөл | амьд мэнд явах хувь заяа |
амьдын там | а. Машид зовоогч; б. Туйлын их гаслан зүдгүүр |
амьд явбал алтан аяганаас ус ууна | а. Амьдралд их юм үздэг; б. Амьд байвал хэзээ нэгэн цагт жаргах цаг ирнэ гэсэн санаа |
муу амьд явахаар сайн үхсэн нь дээр | утга учиртай амьдар гэсэн санаа |
амьдаар нь барих | а. Алахгүй барьж авчрах; б. Үйлдсэн хэргийг газар дээр нь илрүүлэх |
амьдын жин | амьд байх үеийн биеийн жин |
амьд хүн | ажилсаг, золбоотой, овсгоотой хүн |
амьдаар шарах | хүнийг ичээх |
амьд амгалан | амар амгалан |
амьд мэнд | эрүүл саруул, өвчин зовлонгүй |
амьд хүн аргаа олдог | амьд хүн аргатай |
амьд хүн аргатай, аргалын гал цогтой | амьд явбал арга нь олдоно гэсэн санаа |
амьд хүний гэрч болохоор үхсэн хүний дэр бол | хашир болгоомжтой бай гэсэн санаа |
алдаж онодог нь амьд хүний ёс | алддаггүй хүн гэж байхгүй |
үхсэн буурын толгойноос амьд ат айх | нэр сүр, хүч чадлаас нь айх гэсэн санаа |
амьд жишээ | бодит баримт бүхий жишээ |
амьд хэл | а. Ард түмний ярьж хэлэлцэж байгаа хэл; б. [шилжсэн] Дайн тулалдааны үед дайсны талаас олзолж авсан хүн |
амьд сонин | сонинд нийтэлсэн зүйл ба өдөр тутмын амьдралын хурц асуудлаас сэдсэн тайзны тоглолт, шог үзэгдэл |
амьд хөгжимтэй дуулах | хөгжмийн бичлэг тавилгүй хөгжмөө тоглож дуулах |
амьд хөдөлмөр | үйлдвэрлэлийн явцад хүмүүсийн оюуны болон биеийн хүчийг тодорхой зорилгоор зарцуулах үйл ажиллагаа |
амьд язгуур | үгийн утга тодорхой мэдэгдэж байгаа язгуур |
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он