Тал, хээр нутагт сүрэглэн амьдардаг, салаа туурт, сүүгээр бойжигч амьтан - Унаганы хөл саваа мэт туяхан агаад дэлгэрэнгүй...зээрийн янзаганых шиг зэгзгэр нарийхан. Д.Цэдэв. Айргийн амт., хар сүүлт зээр [амьтан] (зээрийн төрлийн зүйл, монголын говь талын аараг толгодоор идээшилдэг, сүүл нь тод бараан, шаргал зүстэй, ооно нь дотогшоо махир үзүүртэй шовх хар эвэртэй), цагаан зээр [амьтан] (Монгол орны тал хээрийн бүс нутагт амьдардаг, зээрийн төрлийн зүйл, ооно нь цалгай эвэртэй, шаргачин нь эвэргүй, цайвар шаргал зүстэй), зээр гөрөөс [хоршоо] (тугалмайт овгийн, туурт төрөлд багтах сүүгээр бойжигч амьтад), зээр зүр [хоршоо] (эрэгчин эмэгчин зээр) - Хувхайрсан өвсөнд зээр зүр хос хосоор тоглолцон гүйлдэхэд гэнэт араатан жигүүртэнд боловч эр эмийн амраг халуун буй аж. В.Инжаннаши. Хөх судар., зээр оронго [хоршоо] (зээр гөрөөс), ооно эвэрдэм, зээр сүүлдэм [зүйр цэцэн үг] (а. Морь малын хурдан нь; б. Хүний шаламгай хурдан хөдөлгөөн), зээрэн бут [ургамал] (сороолын намын өвс; хээр хөдөө ургана; цогц гучин сантиметр, усны эхэн хавьд ногоон найлзуур ба жижиг хармаг үр гаргана), зээрэн дэл [ургамал] (багалуурын нэгэн төрөл ургамал), зээрэн төлөг [ургамал] (өндөр нь тавиас жаран, бамбай хэлбэртэй цагаан цэцэг, олон наст ургамал, ногоон байхад нь үхэр идэж дуртай), зээрийн толгой [ургамал] (бүдүүн үндэстэй, шулуун иштэй, цагаан ягаан цэцэг нь ишнийхээ оройд бүрэлддэг, олон наст өвслөг ургамал), зээрийн унд [ургамал] (сайр урсгал шаварт бутлан ургана, өндөр нь гучин сантиметр орчим ишний бүдүүн гурван миллиметр хүртэл түрүү ярмын адил үндэс нь услаг нэгэн зүйл ургамал), зээрэн шилбэ [ургамал] (иш шулуун, мөчир олон, цэцгийн өнгө нь ягаавтар цагаан, нэг зүйл олон наст ургамал, тэмээ идэх дуртай).