Аль нэг цаг үед, хэн нэгэн зохион бүтээсэн дахин давтагдахгүй оюуны бүтээл туурвил, аман ба бичгийн хэлбэрээр олон дэлгэрэнгүй...нийтэд түгэн дэлгэрэхээс гадна, тодорхой зорилгоор нууцлагдан хадгалагдаж байж болно: аман зохиол (зохиосон тодорхой эзэнгүй, ард олны дунд түгэн дэлгэрч амаар улиран уламжлагдаж ирсэн зохиол), бичгийн зохиол (бичсэн барласан, хэвлэсэн, ном бичиг зэрэг зүйл), ганц сэдэвт зохиол (тодорхой нэгэн асуудлыг шийдвэрлэсэн шинжлэх ухааны бүтээл), гүн ухааны зохиол (гүн ухааны үзэл онол, төлөөлөгчид, түүх зэргийг агуулсан бүтээл), жүжгийн зохиол (тайзан дээр тоглоход зориулсан ярианы хэлбэрээр бичсэн зохиол), зэрэг горилох зохиол (эрдмийн зэрэг хамгаалах бүтээл), уран зохиол (хүн, юм, үйл явдлын дүр шинжийг үгээр илрүүлдэг нэг зүйл урлаг), утга зохиол (а. Бичгийн зохиолын ерөнхий нэр; б. Аман ба уран зохиол), сонгомол зохиол (тэргүүн, дээд зэргийн, үлгэр маяг, дэг жишээ болсон бүтээл), шилдэг зохиол (сонгомол зохиол), өв зохиол (а. Зохиогч амьд ахуй цагтаа нийтлүүлж амжаагүй, хожмын хүмүүс нийтлүүлж хэвлүүлсэн зохиол; б. Үр хүүхдэдээ өвлүүлэн үлдээсэн зохиол бүтээл); зохиолын баатар (утга зохиол ба уран зохиолд бичсэн, зураглан бүтээсэн гол дүр), зохиолын түүвэр (зохиогч болон зохиогчдын уран бүтээлийн эмхэтгэл ном), зохиолын маяг дэг (уран бүтээлийн зохиомж, хэл найруулга, уран сайхнаар дүрслэн илтгэх арга барилыг хэрэглэн, өвөрмөц сонин хэв загвар, орчин нөхцөл бүтээх хүн хүний өвөрмөц арга барил), бичиг зохиол [хоршоо] (утга зохиол, ном зохиол), ном зохиол [хоршоо] (ном бүтээл), зохиол бүтээл [хоршоо] (хүний зохион бүтээсэн утга зохиол, урлаг, урлал, шинжлэх ухаан, соёл, техникийн зэрэг оюуны өв, сан хөмрөг), зохиол туурвил [хоршоо] (бүтээл туурвил) - Дамдинсүрэн гуайн зохиол бүтээл болгон ямар нэг намтар түүхтэй байдаг байна. С.Эрдэнэ. Малын хөлийн тоос.