1. Хүн, амьтны үйл ажилд хичээх итгэл, чармайлт: баатар зориг (эрэлхэг зориг), итгэл дэлгэрэнгүй...
зориг (хүч чадалтай итгэж найдсан сэтгэлийн тэмүүлэл, найдлага), хатан зориг (харьшгүй зориг), чин зориг (мохошгүй зориг), эр зориг (эр хүний шийдэмгий сэтгэл), зориг алдах (эмээх, бэрхшээх), зориг бадрах (сэтгэлийн шийд батжих), зориг орох (ямар нэгэн үйл хэргийг бүтээнэ гэсэн итгэл нь нэмэгдэх), зориг мохох (зүрхшээх, бэргэх), зориг төгс (зориг төгөлдөр), зориг төгөлдөр (урам зориг бадрангуй, бүрэн итгэлтэй), зориг шантрах (үйл хэрэгт дуршил нь муудаж хичээл зүтгэл хасагдах, дордох), зориг шийдэх (зориглох, эс зориглохоос шалтгаалах), зоригийг тэжээх (урмыг тэтгэх, урам оруулах), зориг зүрх [хоршоо] (эрэлхэг зан байдал) - Тайзу дотроо түүнийг зориг зүрх, чийрэг тулгууртайг сэмээр гайхан бас зоримгоор өгүүлрүүн... В.Инжаннаши. Хөх судар., зориг самбаа ~ самбаа зориг [хоршоо] (тухайн зүйлийг хийж бүтээх гэсэн чармайлт, гүйлгээ ухаан, сүйхээ самбаа) - Цөөн гэж битгий гутар, зориг зүрхтэй явбал дайсан хэчнээн олон боловч ялж болно. Д.Гонгор нар. Д.Сүхбаатарын тухай дуртгалууд., ааг зориг [хоршоо] (хүч чадал, зориг зүрх);баатар зориг | эрэлхэг зориг |
итгэл зориг | хүч чадалтай итгэж найдсан сэтгэлийн тэмүүлэл, найдлага |
хатан зориг | харьшгүй зориг |
чин зориг | мохошгүй зориг |
эр зориг | эр хүний шийдэмгий сэтгэл |
зориг алдах | эмээх, бэрхшээх |
зориг бадрах | сэтгэлийн шийд батжих |
зориг орох | ямар нэгэн үйл хэргийг бүтээнэ гэсэн итгэл нь нэмэгдэх |
зориг мохох | зүрхшээх, бэргэх |
зориг төгс | зориг төгөлдөр |
зориг төгөлдөр | урам зориг бадрангуй, бүрэн итгэлтэй |
зориг шантрах | үйл хэрэгт дуршил нь муудаж хичээл зүтгэл хасагдах, дордох |
зориг шийдэх | зориглох, эс зориглохоос шалтгаалах |
зоригийг тэжээх | урмыг тэтгэх, урам оруулах |
зориг зүрх | эрэлхэг зан байдал |
зориг самбаа ~ самбаа зориг | тухайн зүйлийг хийж бүтээх гэсэн чармайлт, гүйлгээ ухаан, сүйхээ самбаа |
ааг зориг | хүч чадал, зориг зүрх |
зориг эрмэлзэл | бэрхшээлийг давж туулах хүсэл тэмүүлэл |
дур зориг | дур хүсэл |
омог зориг | төрх байдалд илрэх сүр |
урам зориг | аливаа үйлийг бүтээхийн төлөө шамдах сэтгэл урамшил |
хүсэл зориг | хүслээ биелүүлэхийн төлөө шийдсэн санаа |
хэрэг зориг | хэрэг зорилго |
хэрэг зориг хэнд вэ хэтийн санаа хаана вэ | ямар ажил үйл зорилгоор явж байна вэ гэсэн санаатай мэндчилгээ |
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он