Аливаа үйлийг олонд сонордуулах, мэдээлэх, тухайн ажил үйлд уриалахын тулд бичсэн, тараасан зүйл - дэлгэрэнгүй...“Элдэв-Очир” кино театрын дэргэд ирж зарлал хараад зогсов. Ч.Чимид. Хавар намар., салхин зарлал (цуу яриа), сонины зарлал (сонинд нийтэлсэн сонордуулга), зарлал гаргах (сонордуулга гаргах), зарлал наах (зарлал хадах, байрлуулах), зарлал нийтлэх (олон нийтийн мэдээллийн хэрэгсэл, хэвлэлд зарлал тавих), зарлал тараах (мэдээ, сонордуулга түгээх); зарлал бичиг [хоршоо] (зарлан мэдээлсэн бичиг), зарлал тэмдэг [хуучирсан] [хоршоо] (цэргийн мөрдөс) - Монгол цэргийг үзвээс хүн нь цөм хувилгаан сахиус мэт, толгой их, бие өндөр, дуу чанга, байдал сүртэй, нэн хуяг дуулга цахилам шинэ... зарлал тэмдэг гэгээн тодорхой, нэн хатуу нум, их сүх үнэхээр олноос онцгой. В.Инжаннаши. Хөх судар., зар зарлал [хоршоо] (олон нийтийг уриалсан товч мэдээ, мэдээлэл), тунхаг зарлал (бат ноттой үйлсийг зарлан, түүний төлөөнөө дуудсан уриа) - Борооны дусал мэт олон аймаг улсад зарлал тунхаг тогтоов. В.Инжаннаши. Хөх судар.