1. Зарж хэрэглэх мөнгө төгрөг, эд юм: зардал гаргах (төлбөр тооцоог даах), зардал их дэлгэрэнгүй...(зарлага их) - Дэндүү их зардал гаргалаа гэж санаа зовох шиг. С.Эрдэнэ. Өгүүллэгүүд., зардлын арга (үндэсний нийт бүтээгдэхүүнийг тодорхойлох нэг арга; нэг жилийн дотор борлуулсан эцсийн бүтээгдэхүүн, үйлчилгээнд зарсан нийт зардлын нийлбэрээр тооцно), зардлын хязгаар (нэг нэгжээр илүү бүтээгдэхүүн хийхэд орох зардал), замын зардал (а. Замд идэж уух, хэрэглэх юм; б. Тээвэр, унааны хөлс), бичиг хэргийн зардал (бичиг хэргийн зүйлд зарцуулах мөнгө, зарлага), хоолны зардал (а. Хоолонд хэрэглэх зүйл; б. Хоол хүнс худалдан авах төлбөр), зардал мөнгө [хоршоо] (аливаа зүйлийг хийж гүйцэтгэхэд зарцуулах хөлс), зардал сүйтгэл [хоршоо] (төлөвлөсөн зүйлийг хийхэд гарах бэл, мөнгө), зардал төлбөр [хоршоо] (зарж хэрэглэх болон төлбөл зохих мөнгө), зардал чирэгдэл [хоршоо] (бүтэмж муутай, түвэг бэрхшээлтэй ажил үйлд үрэгдэх мөнгө төгрөг);