Харилцан заалдаж тэмцсэн тэмцэл: зарга заргалах (зарга хийх) - Гүр иргэний хувь хувилсныг зарга дэлгэрэнгүй...заргалсныг Хөх дэвтэрт бичиг бичиж… Монголын нууц товчоо., зарга үүсгэх (зарга эхлүүлэх), зарга хагалах (зарга эсгэх), зарга хийх (заалдах), зарга хөөх (а. Заалдсан хэргээ таслуулахаар дахин давтан заалдлага хийх; б. Заалдсаны хариуд гэдрэг заалдах, харилцан заргалдах), зарга шийтгэх (гарсан хэргийг шүүн тасалж, буруутай этгээдэд торгууль ял оноох), зарга шүүх (гарсан зарга заалдааныг байцааж, зөв бурууг тодруулан шийдвэрлэх), зарга эсгэх (хэд хэдэн хүн, байгууллага, газартай холбоо бүхий зарга маргалдааныг холбогдох байгууллагын хүмүүс нийлж хамтран хэлэлцэж, шүүн шийдвэрлэх), заргын бичиг (санал гомдлоо илэрхийлэн заалдах бичиг), зарга заалхай [хоршоо] (амаар хийх элдэв тэмцэл, санал гомдол) - Манж хятадуудыг эсэргүүцсэн үймээн, зарга заалхай бишгүй л олон болж байна гэнэ. С.Удвал. Их хувь заяа., зарга тэмцэл [хоршоо] (заалдаан), атаа зарга [хоршоо] (өшиж занасан зарга тэмцэл), гомдол зарга [хоршоо] (зарга заалхай).