1. Адуу, илжиг, луус зэргийн нэгэн зүйл явдлын нэр, нэгэн алхамдаа зүүн этгээдийн хоёр хөл, нөгөө алхамдаа баруун дэлгэрэнгүй...этгээдийн хоёр хөлийг тус тус зэрэг гишгэж сайвраас хурдан явах: жороо даага (жороо явдалтай даага), жороо морь (жороолон явдаг морь) - Хар дэлийг олон хэсэг гөрлөө болгосон цоохор жороо морьтой хоргой дээлтэй бяцхан хүү явж байна. Б.Ян. Чингис хаан., жороо орох (жороо явдалтай болох), бөмбөлзсөн жороо (холбилзсон жороо), дэгэргэн жороо (явдал муутай жороо), орсон жороо (сурсан жороо), сайвар жороо (сэлгэж гишгэсэн жороо), соёг жороо (хөнгөн цэмбэгнүүр явдал), тэлмэн жороо (хэчнээн хурдалсан ч хөл алдахгүй жороо), усан тэлмэн жороо (нэг алхамдаа зөв талын хоёр хөл, нөгөө алхамдаа буруу талын хоёр хөл зэрэг гишгэдэлтэй жороо морины явдал буюу урсгал ус цалгиж байгаа мэт явдал), тэгш жороо (сайхан явдалтай жороо), тэмээн жороо (энд тэнд гишгэдэлтэй, сэгсчээ ихтэй жороо), унаган жороо (төрөлхийн жороо), холбилзсон жороо (хоёр тийш холбилзсон жороо), хонин жороо (зөөлөн явдалтай жороо) - Хонин жороо морь минь ээ хө, холбилзуулан тэшүүлээд л бөмбөрөөд байнаа хө. Монгол ардын дуу., хүн бүхэн адилгүй, хүлэг бүхэн жороогүй [зүйр цэцэн үг] (ертөнцөд адил зүйл ерөөсөө байдаггүй гэсэн санаа), ороо нь ороогоо, жороо нь жороогоо дагадаг [зүйр цэцэн үг] (дугуй дугуйгаа олох гэсэн санаа), *жороо үг (хэл зүгшрүүлэх үг), жороо тоодог [амьтан] (нэг зүйл тоодог шувуу), хулан жороо [амьтан] (бор шувууны баг, хэрээний овгийн, гүйх дуртай, хонх шиг жингэнэсэн дуутай, хээрийн суурин жижиг шувуу; чулуурхаг, хужир мараа бүхий заг, сухай, сөөг ургамалтай говь, цөл, баянбүрд, уул толгодын сайрт амьдарна), *хөгшин азарга жороо сурах (хөгширсөн хойноо залуумсаг зан байдал гаргах);