1. Ургамлын амтлаг үр жимсний ерөнхий нэр: жимс суух (жимсний модонд жимс ургаж боловсрох), дэлгэрэнгүй...жимс тархах (ургамлын жимс, үр жимс боловсормогц өөрөө цацагдах), жимс түүх (жимс түүж цуглуулах), жимс хадгалах (жимс муутгахгүйгээр нөөцлөх), жимс чанах (жимс буцалган боловсруулах), жимсэнд явах (жимс түүхээр явах), жимсний архи (жимс эсгэж гаргасан архи), жимсний бут (жимс боловсрон ургах бут), жимсний мод (жимс ургах мод), жимсний хатаамал (хатаасан жимс), жимсний цай (төрөл бүрийн жимсний амт, үнэрийг шингээсэн, буцалсан усанд дүрж идээшүүлэн уух зориулалттай нэг төрлийн цай), жимсний чөмөг (жимсний голд буй үр), жимсний шүүс (жимснээс гарах амтлаг шингэн), жимсний яс (жимсний хатуу үр), жимсээр хооллох (жимс идэж амьдрах), алим жимс [хоршоо] (алим жимс болоод бусад жимс жимсгэнэ) - Алаглан харагдах уул нь ээ хө, алим жимстэй уул байнаа хө. Монгол ардын дуу., бурам жимс [хоршоо] (чихэр бурам болон жимс жимсгэнэ), самар жимс [хоршоо] (ургамлын хүнсэнд хэрэглэж болох үр жимс) - Самар жимс, мөөг, зэрлэг сонгино мэт эх орныхоо хэмжээлшгүй их баялгаас ашиглажээ. Б.Бааст. Алтайн хөх дөнөн., үзэм жимс [хоршоо] (үзэм болон янз бүрийн жимс жимсгэнэ), үр жимс [хоршоо] (а. Ургамлын шууд идэж болдог үр; б. Жимс жимсгэнийн ерөнхий нэр), чихэр жимс [хоршоо] (амттан идээ) - Тэр хэдэн хоногт чихэр жимс арчлах, хураах, савлах, ачих, зөөх гэхчлэн нэлээд юм мэдэж авсан. Ч.Алагсай. Алтайн зам., жимс ногоо [хоршоо] (хүнсний ногоо, жимс жимсгэнэ сэлт);