Хөвөнгөөр гол хийж, шар тос цутган харанхуйд ноцоож гэрэл гаргах хэрэгсэл: дэн барих (дэн асаах), дэлгэрэнгүй...дэнгийн гэрэл (дэнгээс бадрах туяа), өөхөн дэн (тосны оронд өөх шатаан гэрэл гаргах дэн), цахилгаан дэн (чийдэн), шавар дэн (шавар цөгц, савтай дэн), дэнгийн эрвээхий (а. Шөнийн харанхуйд гэрэл дагаж нисдэг нэгэн зүйлийн эрвээхий; удган эрвээхий; б. [шилжсэн] Шалиг завхай хүүхэн) - Үүдээ сөхөөд шагайвал өөхөн дэн сүүмэлзэнэ. Ч.Лхамсүрэн. Хурандаа., дэн зул [хоршоо] (шатаах голтой гэрэл гаргах хэрэгсэл) - Дөрвөн цэцэд баатад сайд түшмэд нь үүл мэт хурж, дэн зул гэрэл галд тэнгэр газар гийжээ. В.Инжаннаши. Хөх судар.