Монгол хэлний их тайлбар толь

А Б В Г Д Е Ё Ж З И К Л М Н О Ө П Р С Т У Ү Ф Х Ц Ч Ш Э Ю Я

ДЭМ I

1. Ая эв, арга зүй, ухаан: дэм өгөх (эв зүйг заах), дэмийг олох (ухаан олох, дэлгэрэнгүй...арга дүйг мэдэх);

2. Үйл явдалд бусдаас олсон ямар нэгэн тусламж дэмжлэгийн зүйл: дэм авах (тус авах) - Тус дэм авах хүний бараа харъя гэхэд өртөө илүү явж байж хүрэх аж. С. Дашдооров. Улаан гэрийн Юндэн., дэм үзүүлэх (дэмнэн туслах), дэмтэй хүн (түшиг, тулгуур, нөөлөгтэй хүн), олны дэм (олны тус) - Олны дэм гэдэг чинь бас л их нэмэртэй золиг. Л.Түдэв. Нүүдэл., дэм сэлбэг [хоршоо] (хань хамсаа, тус дэм), тус дэм [хоршоо] (нэг нэгэндээ туслах нэмэр хандив) - Ажилд чинь тус дэм болж л байвал жаргал минь тэр. С. Эрдэнэ. Жаргах нас., дэм дэмэндээ, дээс эрчиндээ [зүйр цэцэн үг] (хүн хүнийхээ тус дэмээр амьдардаг гэсэн санаа), *амин дэм (хүн, амьтны амьдрал, эрүүл мэндэд чухал хэрэгцээтэй шимт бодис; бодисын солилцоонд нэн өчүүхэн хэмжээгээр шаардагдах боловч, өөр зүйлээр зүйлээр орлуулах аргагүй; витамин) - Хаврын хатууд хүмүүс амьдралд нь амин дэм болох аль чухал юмаар ховордож хоосордог нь даанч гачлантай. Б. Бааст. Юмдүүжин.

дэм өгөх	эв зүйг заах
дэмийг олох	ухаан олох, арга дүйг мэдэх
дэм авах	тус авах
дэм үзүүлэх	дэмнэн туслах
дэмтэй хүн	түшиг, тулгуур, нөөлөгтэй хүн
олны дэм	олны тус
дэм сэлбэг	хань хамсаа, тус дэм
тус дэм	нэг нэгэндээ туслах нэмэр хандив
дэм дэмэндээ дээс эрчиндээ	хүн хүнийхээ тус дэмээр амьдардаг гэсэн санаа
амин дэм	хүн, амьтны амьдрал, эрүүл мэндэд чухал хэрэгцээтэй шимт бодис; бодисын солилцоонд нэн өчүүхэн хэмжээгээр шаардагдах боловч, өөр зүйлээр зүйлээр орлуулах аргагүй витамин