1. Суух, хэвтэхэд зориулан дэлгэж тавих юм, дэвсдэг юм - Сурагчид хичээлийн гэрт орж ирэн шинэхэн цагаан эсгий дэлгэрэнгүй...дэвсгэр дээр эгнэн сууцгаав. П.Хорлоо. Багш., дэвсгэрийн сугсуурга (хүний хэвтэх дэвсгэрийн гадуурх даавуун бүрээс, даавуун дугтуй, углаа бөс), дэвсгэр хөнжил [хоршоо] (хөнжил дэвсгэр) - Нэн бас үнэхээр миний тоо төгсөж цаг тулсан бөгөөс хэдий эм үрээ дэрлэж дэвсгэр хөнжилд хэвтэвч мөн үхэхээс хэлтрэхэд бэрх болой. В.Инжаннаши. Хөх судар., гудас дэвсгэр [хоршоо] (хэвтэх, унтахад зориулсан зөөлөн хэрэглэл) - Майхнаа сайр дээрээс нүүлгэж хажуу эрэг дээр нь босгоод унтсан чинь өглөө нь гудас дэвсгэр доогуур үерийн ус халиад орж ирсэн байв. Д. Нямаа. Ерөөлийн үг одноос унадаг., олбог дэвсгэр [хоршоо] (дээр нь суух, унтах зориулалттай зүйл), ор дэвсгэр [хоршоо] (унтаж хэвтэх үед хучиж дэвсэх хэрэглэл, ор хөнжил, гудас сэлт), хөнжил дэвсгэр [хоршоо] (нөмөрч унтах, дэвсэж хэвтэх зүйл) - Хөрөнгө хогшил, хөнжил дэвсгэр хэрэглэдэггүй, архи уух нь гүйцэгддэггүй, түвэгтэй хүн байсан. С. Удвал. Их хувь заяа;