1. Хүсэл, сонирхол: дур булаах (хүсэл сонирхол нь өөрийн эрхгүй хүрэх) - Юм бүхэн шинэ сэргэг дэлгэрэнгүй...бөгөөд хөгжөөнтэй дур булаам сайхан. И.С.Тургенев. Ангуучны тэмдэглэл., дур гутах (сонирхолгүй болох) - Цогтжав ингэж аашлахыг нь олон удаа тэсвэрлэн өнгөрүүлсэн боловч одоо үнэнхүү дур гутаж... С.Эрдэнэ. Өгүүллэгүүд., дур дарах (хүссэн санасныг боломжийн хэрээр хангаж, шунал хүслийг намжаах), дур ханах (хүсэл ханах), дур хүрэх (аливаа юмыг шохоорхон хүсэх), юм идэх дур (юм идэх сонирхол), дур авьяас [хоршоо] (хүсэл билиг), дур сонирхол [хоршоо] (хүсэл шохоорхол), дур хүсэл [хоршоо] (хүсэл сонирхол), хайр дур [хоршоо] (хайрлах хүсэл санаа), дур эзнээ голдоггүй, дунд чөмөг сүүжээ голдоггүй [зүйр цэцэн үг] (өөрийн санаа өөртөө тохирсон байдаг гэсэн санаа), муу дур нь хөдлөх (муу ааш нь хөдлөх), шарыг нь авахаар дурыг нь авах (бусдын санаа сэтгэлийг биедээ татах аргыг хэрэглэх), дуран дээр хясах (дур хүслийг мохоох);