Нэлээд сайн, зэгсэн овоо, бузгай сайн: дориун байшин (аятайхан сайн байшин) - Сумын төвийн дэлгэрэнгүй...хамгийн дориун байшин намын кабинетыг Лантуу хувьдаа авч, архины газар-баар нээв. Ц. Доржготов. Амьтан., дориун хүн (а. Хүн чанартай хүн; б. Чадварлаг хүн) - Манай  шинэ дарга чинь дориун хүн шиг билээ. Д. Намсрай. Цэцэгсийн нүүдэл., дориун чанартай (сайн чанартай) - Одоо яах вэ уурхайн гуанзанд дориун ажиллаж байна. С.Лочин. Сэтгэлийн өнгө., дориун ширүүн ~ ширүүн дориун [хоршоо] (а. Огцом түргэн, гавшгай; б. Хэрцгий хэвцэг, нийцгүй хатуу) - Ямар нэг ширүүн дориун улс ирж байгаа нь илэрхий тул Коквинскийнд цугларагсад дорхноо эрүүл болж, зарим нь малгай дээлээ шүүрэн авч шур шур хийн гарцгаав. С. Эрдэнэ. Цасан доорх ногоо.